തളിപ്പറമ്പ് കാഞ്ഞിരങ്ങാട് ലഹരിവേട്ട; എംഡിഎംഎയും ഹാഷിഷ് ഓയിലുമായി യുവാവ് അറസ്റ്റിൽ

തളിപ്പറമ്പ്: (KVARTHA) കാഞ്ഞിരങ്ങാട് വാടക ക്വാർട്ടേഴ്‌സ് കേന്ദ്രീകരിച്ച് നടത്തിയ പൊലീസ് റെയ്ഡിൽ മാരക ലഹരിമരുന്നുകളുമായി യുവാവ് പിടിയിൽ. കെ.വി. സ്വരാജിനെ (30) യാണ് തളിപ്പറമ്പ് പൊലീസ് അറസ്റ്റ് ചെയ്തത്. ഇയാളിൽ നിന്ന് എം.ഡി.എം.എയും ഹാഷിഷ് ഓയിലും പൊലീസ് കണ്ടെടുത്തിട്ടുണ്ട്.

റെയ്ഡ് തിങ്കളാഴ്ച രാത്രി

തിങ്കളാഴ്ച (ജനുവരി 19) രാത്രി 7.38-ഓടെയാണ് കേസിനാസ്പദമായ സംഭവം. കുറ്റ്യേരി കാഞ്ഞിരങ്ങാട് ഭാഗത്ത് പ്രതി താമസിക്കുന്ന വാടക ക്വാർട്ടേഴ്‌സിൽ തളിപ്പറമ്പ് എസ്.ഐ കെ. ദിനേശനും സംഘവും മിന്നൽ പരിശോധന നടത്തുകയായിരുന്നു.

ലഹരി കണ്ടെടുത്തത് അലമാരയ്ക്ക് മുകളിൽ

പൊലീസ് നടത്തിയ പരിശോധനയിൽ മുറിയിലെ അലമാരയ്ക്ക് മുകളിൽ ഒളിപ്പിച്ചു വെച്ച നിലയിലാണ് ലഹരിവസ്തുക്കൾ കണ്ടെത്തിയത്. 4.5598 ഗ്രാം എം.ഡി.എം.എയും ചെറിയ ബോട്ടിലിൽ സൂക്ഷിച്ച 4.0085 ഗ്രാം ഹാഷിഷ് ഓയിലുമാണ് പൊലീസ് പിടിച്ചെടുത്തത്.

ലഹരിമരുന്ന് വിൽപനയ്ക്കായാണോ പ്രതി സൂക്ഷിച്ചിരുന്നതെന്ന് പൊലീസ് അന്വേഷിച്ചു വരികയാണ്. തളിപ്പറമ്പ് മേഖലയിൽ ലഹരി മാഫിയക്കെതിരെയുള്ള നടപടികൾ പൊലീസ് ശക്തമാക്കിയിട്ടുണ്ട്. പ്രതിക്കെതിരെ എൻ.ഡി.പി.എസ് നിയമപ്രകാരം കേസെടുത്തു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യുക

Article Summary: Taliparamba Police arrested a 30-year-old man, K.V. Swaraj, from a rented quarter in Kanjirangad with MDMA and Hashish oil. The drugs were found hidden on top of a cupboard during a raid led by SI K. Dineshan.

#Taliparamba #DrugBust #MDMA #KeralaPolice #Kanjirangad #CrimeNews #KannurNews