'രാഹുൽ മാങ്കൂട്ടത്തിൽ ക്രൂരനായ ലൈംഗിക കുറ്റവാളി, ഗർഭിണിയായിരിക്കെ പീഡിപ്പിച്ചു'; സത്യവാങ്മൂലവുമായി അതിജീവിത ഹൈകോടതിയിൽ

കൊച്ചി: (KVARTHA) കോൺഗ്രസ് എം എൽ എ രാഹുൽ മാങ്കൂട്ടത്തിലിനെതിരെ അതീവ ഗുരുതരമായ വെളിപ്പെടുത്തലുകളുമായി പീഡനക്കേസിലെ അതിജീവിത രംഗത്ത്. രാഹുൽ മാങ്കൂട്ടത്തിലിന്റെ മുൻകൂർ ജാമ്യാപേക്ഷ പരിഗണിക്കാനിരിക്കെയാണ് അതിനെ എതിർത്തുകൊണ്ട് അതിജീവിത ഹൈകോടതിയിൽ സത്യവാങ്മൂലം സമർപ്പിച്ചത്. രാഹുൽ ക്രൂരനായ ലൈംഗിക കുറ്റവാളിയാണെന്നും ഗർഭിണിയായിരിക്കെ തന്നെ മൃഗീയമായി പീഡിപ്പിച്ചെന്നും സത്യവാങ്മൂലത്തിൽ വ്യക്തമാക്കുന്നു.

രാഹുൽ മാങ്കൂട്ടത്തിൽ ഒരു 'സാഡിസ്റ്റ്' ആണെന്നും ഗുരുതരമായ മനോവൈകൃതമുള്ളയാളാണെന്നും പരാതിക്കാരി ആരോപിക്കുന്നു. ഗർഭിണിയാണെന്ന പരിഗണന പോലും നൽകാതെയാണ് തന്നെ പീഡിപ്പിച്ചത്. 

ഭീഷണിപ്പെടുത്തി തന്റെ നഗ്നദൃശ്യങ്ങൾ രാഹുൽ ചിത്രീകരിച്ചിട്ടുണ്ടെന്നും ഈ ദൃശ്യങ്ങൾ ഇപ്പോഴും രാഹുലിന്റെ ഫോണിലുണ്ടെന്നും അതിജീവിത വെളിപ്പെടുത്തി. പ്രതിക്ക് ജാമ്യം നൽകിയാൽ പ്രതികാരബുദ്ധിയോടെ ഈ ദൃശ്യങ്ങൾ പുറത്തുവിടുമെന്ന് ഭയമുണ്ടെന്നും ഇവർ കോടതിയെ അറിയിച്ചു.

രാഹുൽ സ്ഥിരം കുറ്റവാളിയാണെന്നും ഇത്തരത്തിലുള്ള പത്തോളം പീഡനക്കേസുകളെക്കുറിച്ച് അന്വേഷണസംഘത്തിന് വിവരം ലഭിച്ചിട്ടുണ്ടെന്നും സത്യവാങ്മൂലത്തിൽ പറയുന്നു. ഇതിൽ ഒരു ഇര പ്രായപൂർത്തിയാകാത്ത പെൺകുട്ടിയാണ്. സ്ഥിരം ലൈംഗിക കുറ്റവാളിയായ രാഹുലിന് ജാമ്യം നൽകുന്നത് സമൂഹത്തിന് തെറ്റായ സന്ദേശം നൽകുമെന്നും അതിനാൽ കോടതി ജാമ്യം അനുവദിക്കരുതെന്നും അതിജീവിത ആവശ്യപ്പെട്ടു.

കേസ് കൊടുത്തതിന് പിന്നാലെ പ്രതിയുടെ അടുപ്പക്കാരിൽ നിന്ന് നിരന്തരമായ അധിക്ഷേപവും ഭീഷണിയും നേരിടുന്നുണ്ടെന്നും അതിജീവിത കോടതിയിൽ പറഞ്ഞു. സാമൂഹിക മാധ്യമങ്ങളിലടക്കം തന്നെ മോശമായി ചിത്രീകരിക്കാൻ ശ്രമം നടക്കുന്നുണ്ട്. 

രാഹുലിന്റെ മുൻകൂർ ജാമ്യാപേക്ഷ ബുധനാഴ്ച ഹൈക്കോടതി പരിഗണിക്കാനിരിക്കെയാണ് കേസിനെ ബലപ്പെടുത്തുന്ന നിർണ്ണായക വെളിപ്പെടുത്തലുകൾ പുറത്തുവന്നത്. പീഡനക്കേസുകളിൽ രാഹുൽ മാങ്കൂട്ടത്തിലിനെതിരെയുള്ള ശാസ്ത്രീയ തെളിവുകൾ അടക്കം അന്വേഷണസംഘം ശേഖരിച്ചുവരികയാണ്.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യു

Article Summary: A survivor in a sexual assault case has filed an affidavit in the Kerala High Court opposing the bail plea of Congress MLA Rahul Mamkootathil, alleging brutal assault during pregnancy and possession of explicit videos.

#RahulMamkootathil #KeralaHighCourt #SexualAssaultCase #KeralaPolitics #CongressMLA #LegalNews