പയ്യന്നൂർ: (KVARTHA) വംശനാശം നേരിടുന്നതും ലക്ഷങ്ങൾ വിലമതിക്കുന്നതുമായ ഇരുതലമൂരി പാമ്പുമായി അഞ്ചുപേരെ പയ്യന്നൂരിൽ പോലീസ് പിടികൂടി. തളിപ്പറമ്പ് ഫോറസ്റ്റ് റേഞ്ച് ഓഫീസർ പി.വി. സനൂപ് കൃഷ്ണന് ലഭിച്ച രഹസ്യ വിവരത്തെ തുടർന്ന് നടത്തിയ മിന്നൽ പരിശോധനയിലാണ് സംഘം പിടിയിലായത്.

പയ്യന്നൂർ പുതിയ ബസ് സ്റ്റാൻഡിന് സമീപത്തു നിന്നാണ് പ്രതികളെ പിടികൂടിയത്. തൃക്കരിപ്പൂർ സ്വദേശികളായ കെ. ഭികേഷ്, എം. മനോജ്, ടി.പി. പ്രദീപൻ എന്നിവരും ആന്ധ്രാപ്രദേശ് സ്വദേശികളായ ടി. നവീൻ, കെ. ചന്ദ്രശേഖർ എന്നിവരുമാണ് അറസ്റ്റിലായത്. പ്രതികൾ സഞ്ചരിച്ചിരുന്ന KL 86 C 8024 എന്ന കാറും KL 60 V 9645 എന്ന സ്കൂട്ടറും പോലീസ് കസ്റ്റഡിയിലെടുത്തിട്ടുണ്ട്.

അന്ധവിശ്വാസങ്ങളുടെ ഭാഗമായി ലക്ഷങ്ങൾ കൈമാറി വിൽക്കുന്നതിനായി കൊണ്ടുപോവുകയായിരുന്നു ഇരുതലമൂരി പാമ്പിനെയെന്ന് അധികൃതർ അറിയിച്ചു. പിടികൂടിയ പ്രതികളെ പയ്യന്നൂർ കോടതിയിൽ ഹാജരാക്കും.

Five individuals were arrested in Payyannur with a valuable, endangered two-headed snake. The arrest was made following a tip-off to the Taliparamba Forest Range Officer. The accused, including natives of Thrikkaripur and Andhra Pradesh, were caught near the Payyannur new bus stand. The snake was allegedly being transported for sale related to superstitious beliefs.

#Payyannur #TwoHeadedSnake #Arrest #WildlifeCrime #Superstition #Kerala