കളമശ്ശേരി: (KVARTHA) എറണാകുളം ഗവൺമെൻ്റ് മെഡിക്കൽ കോളേജ് ഹോസ്റ്റലിൽ വിദ്യാർത്ഥിയെ മരിച്ച നിലയിൽ കണ്ടെത്തിയതായി പോലീസ് അറിയിച്ചു. മൂന്നാം വർഷ എംബിബിഎസ് വിദ്യാർത്ഥിനിയായ പി.പി. അമ്പിളി (25) ആണ് മരിച്ചതെന്നാണ് പ്രാഥമിക വിവരം. കാസർകോട് തടിയൻ കൊവ്വാലിൽ പുതിയപുരയിൽ ചന്ദ്രൻ്റെയും ഗീതയുടെയും മകളാണ് അമ്പിളി.

ഹോസ്റ്റൽ മുറിയിലുണ്ടായിരുന്ന മറ്റ് വിദ്യാർത്ഥികൾ ശനിയാഴ്ച രാത്രി 11 മണിയോടെ പുറത്ത് പോയി തിരികെ എത്തിയപ്പോഴാണ് അമ്പിളിയെ മരിച്ച നിലയിൽ കണ്ടതെന്നാണ് അവർ പോലീസിന് മൊഴി നൽകിയിട്ടുള്ളത്. 

സംഭവത്തെ തുടർന്ന് കളമശ്ശേരി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചിട്ടുണ്ട്. മരണത്തിൽ ദുരൂഹതയുണ്ടോയെന്ന് പോലീസ് പരിശോധിക്കുന്നുണ്ട്. 

ശ്രദ്ധിക്കുക: ആത്മഹത്യ ഒന്നിനും ഒരു പരിഹാരമല്ല. ജീവിതം വിലമതിക്കേണ്ടതാണ്. ആത്മഹത്യ ചിന്തകൾ ഉണ്ടെങ്കിൽ ദിശ ഹെല്പ് ഡെസ്കിൽ സഹായം തേടുക, നമ്പർ: 1056, അല്ലെങ്കിൽ iCALL- നമ്പർ: 9152987821.  നിങ്ങളുടെ പ്രശ്നങ്ങൾക്ക് പരിഹാരമുണ്ട്.

A third-year MBBS student, P.P. Ambili (25) from Kasaragod, was found dead in her hostel room at the Ernakulam Government Medical College in Kalamassery. Her roommates found her upon returning late Saturday night. Kalamassery police have registered a case and are investigating the circumstances of her death, including any potential foul play.

#Kalamassery #MedicalCollege #StudentDeath #PoliceInvestigation #Ernakulam #KeralaNews