ക്ലിനിക്കിൽ ചികിത്സയ്‌ക്കെത്തിയ യുവതിയെ ലൈംഗികമായി ഉപദ്രവിച്ച ഡോക്ടർക്ക് ശിക്ഷ വിധിച്ചു
● ഡോക്ടർ പ്രശാന്ത് നായ്ക്കിനാണ് ശിക്ഷ.
● മൂന്ന് വർഷവും ഒരു മാസവും തടവ് വിധിച്ചു.
● 25,000 രൂപ പിഴയും ചുമത്തിയിട്ടുണ്ട്.
● 2020 ജൂൺ 30-നാണ് സംഭവം നടന്നത്.
● ജില്ലാ സെഷൻസ് കോടതിയാണ് വിധി പ്രസ്താവിച്ചത്.
കണ്ണൂർ: (KVARTHA) ശ്രീകണ്ഠാപുരത്തെ ക്ലിനിക്കിൽ ചികിത്സ തേടിയെത്തിയ യുവതിയെ ലൈംഗികമായി ഉപദ്രവിച്ച കേസിൽ ഡോക്ടർക്ക് തടവുശിക്ഷ വിധിച്ച് കോടതി. ഡോക്ടർ പ്രശാന്ത് നായ്ക്കിനാണ് ജില്ലാ സെഷൻസ് കോടതി ജഡ്ജ് നിസാർ അഹമ്മദ് മൂന്ന് വർഷവും ഒരു മാസവും തടവിനും 25,000 രൂപ പിഴയടക്കാനും ശിക്ഷ വിധിച്ചത്.
2020 ജൂൺ 30-നാണ് കേസിനാസ്പദമായ സംഭവം നടന്നത്. ശ്രീകണ്ഠാപുരത്തെ ഡോക്ടറുടെ ക്ലിനിക്കിൽ വെച്ച് യുവതി ലൈംഗിക ഉപദ്രവത്തിന് ഇരയാവുകയായിരുന്നു. സംഭവത്തെ തുടർന്ന് യുവതി നൽകിയ പരാതിയുടെ അടിസ്ഥാനത്തിൽ ശ്രീകണ്ഠാപുരം പോലീസാണ് കേസ് അന്വേഷിച്ചത്. പ്രോസിക്യൂഷന് വേണ്ടി പബ്ലിക് പ്രോസിക്യൂട്ടർ അഡ്വ. കെ. അജിത്ത് കുമാർ ഹാജരായി.
ഈ വിഷയത്തിൽ നിങ്ങളുടെ അഭിപ്രായങ്ങൾ താഴെ കമൻ്റ് ചെയ്യുക.
Article Summary: Doctor sentenced for assaulting patient at Sreekandapuram clinic.
#Sreekandapuram #DoctorCase #PatientSafety #CourtVerdict #Kannur #JusticeServed
