ശ്രീകണ്ഠാപുരം ബ്ലാത്തൂരിൽ കശുമാവിൻ തോട്ടത്തിൽ സ്ത്രീയെയും പുരുഷനെയും മരിച്ച നിലയിൽ കണ്ടെത്തി

ശ്രീകണ്ഠാപുരം: (KVARTHA) ബ്ലാത്തൂർ മുല്ലച്ചേരിയിലെ ആളൊഴിഞ്ഞ കശുമാവിൻ തോട്ടത്തിൽ സ്ത്രീയെയും പുരുഷനെയും മരിച്ച നിലയിൽ കണ്ടെത്തി. ബ്ലാത്തൂർ സ്വദേശി ഇഞ്ചിക്കാലിൽ നാരായണൻ (72), മണ്ണേരി ഉന്നതിയിലെ ചീങ്ങകണ്ടി സുമ (47) എന്നിവരെയാണ് തൂങ്ങിമരിച്ച നിലയിൽ കണ്ടെത്തിയത്.

കണ്ടെത്തിയത് കശുവണ്ടി പെറുക്കാനെത്തിയവർ 

കശുവണ്ടി പെറുക്കാനെത്തിയവരാണ് മൃതദേഹങ്ങൾ ആദ്യം കണ്ടത്. നാരായണനെ സമീപത്തുള്ള കശുമാവിൻ കൊമ്പിൽ തൂങ്ങിയ നിലയിലായിരുന്നു. തുടർന്ന് നടത്തിയ പരിശോധനയിലാണ് സമീപത്തെ ഷെഡ്ഡിൽ സുമയെയും മരിച്ച നിലയിൽ കണ്ടെത്തിയത്. വർഷങ്ങളായി ഇരുവരും തോട്ടത്തിലെ ഈ ഷെഡ്ഡിലാണ് താമസിച്ചു വന്നിരുന്നത്.

പോലീസ് നടപടികൾ 

വിവരമറിഞ്ഞ് ഉളിക്കൽ സി.ഐ ഡോളി വി.എം, ഇരിക്കൂർ പൊലീസ് സ്റ്റേഷനിലെ എസ്.ഐമാരായ അബ്ദുൽ നാസർ, എം.സി മനോഹരൻ എന്നിവരടങ്ങുന്ന സംഘം സ്ഥലത്തെത്തി. 

ഇൻക്വസ്റ്റ് നടപടികൾ പൂർത്തിയാക്കിയ ശേഷം മൃതദേഹങ്ങൾ പോസ്റ്റ്‌മോർട്ടം നടപടികൾക്കായി പരിയാരത്തെ കണ്ണൂർ ഗവ. മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റി.

കുടുംബം 

പരേതരായ കണ്ണൻ-പൈതൽ ദമ്പതികളുടെ മകനാണ് മരിച്ച നാരായണൻ. ഭാര്യ: സുശീല. മക്കൾ: സുജില, സുധിഷ്, സുനിത. സഹോദരങ്ങൾ: പരേതരായ കല്യാണി, മാധവി. മണ്ണേരി ഉന്നതിയിലെ പരേതനായ കെ. ബാലന്റെ ഭാര്യയാണ് മരിച്ച സുമ. മക്കൾ: ഭാവന, അമ്മു, കാവ്യ.

ഈ വാർത്ത ഷെയർ ചെയ്യൂ. 

Article Summary: Two individuals, Inchikkal Narayanan (72) and Cheengakandi Suma (47), were found hanging in a cashew plantation at Blathur, Sreekandapuram. Police have shifted the bodies to Pariyaram Medical College for post-mortem.

#Sreekandapuram #Kannur #Blathur #DeathNews #KeralaPolice #Investigation #LocalNews