സോഷ്യൽ മീഡിയ അക്കൗണ്ടുകൾ ഹാക്ക് ചെയ്യാമെന്ന് വാഗ്ദാനം നൽകി ഫേസ്ബുക്കിൽ വൻ തട്ടിപ്പ്

കോഴിക്കോട്: (KVARTHA) സോഷ്യൽ മീഡിയ അക്കൗണ്ടുകൾ ഹാക്ക് ചെയ്യാമെന്ന് വാഗ്ദാനം ചെയ്ത് വൻ തട്ടിപ്പ്. ഫേസ്ബുക്കിലൂടെ പരസ്യം നൽകിയാണ് തട്ടിപ്പ് അരങ്ങേറുന്നത്. 'Veloher hack' എന്ന അക്കൗണ്ട് വഴിയാണ് തട്ടിപ്പുകൾ നടക്കുന്നത്. വാട്സാപ്പ്, ഇൻസ്റ്റാഗ്രാം, ഫേസ്ബുക്ക്, കോൾ ഹിസ്റ്ററി തുടങ്ങിയവ ഹാക്ക് ചെയ്ത് നൽകാമെന്ന് അവകാശപ്പെട്ടാണ് തട്ടിപ്പുകാർ ആളുകളെ സമീപിക്കുന്നത്.

തട്ടിപ്പ് രീതി

ഒരു മാസത്തേക്ക് ഹാക്കിങ് ഫീയായി 549 രൂപയാണ് തട്ടിപ്പുകാർ ആവശ്യപ്പെടുന്നത്. പണം അടയ്ക്കുന്നതിനായി ക്യുആർ കോഡ് അയച്ചു നൽകും. പണം അയച്ചാൽ അക്കൗണ്ടുകൾ ഹാക്ക് ചെയ്ത് നൽകാമെന്ന് വിശ്വസിപ്പിച്ചാണ് പണം കൈക്കലാക്കുന്നത്. എന്നാൽ പണം ലഭിച്ചുകഴിഞ്ഞാൽ പണം അയക്കുന്നവരെ ബ്ലോക്ക് ചെയ്ത് ഇവർ മുങ്ങുകയാണ് പതിവ്. ഇത്തരത്തിൽ നൂറുകണക്കിന് പേർ തട്ടിപ്പിന് ഇരയായെന്നാണ് വിവരം.

പരാതിപ്പെടാത്തത് തട്ടിപ്പുകാർക്ക് വളമാകുന്നു

ചെറിയ തുകയായതിനാൽ ഭൂരിഭാഗം പേരും ഇതിനെതിരെ പരാതിപ്പെടാൻ തയ്യാറാകുന്നില്ല. ഈ സാഹചര്യം മുതലെടുത്ത് തട്ടിപ്പ് സംഘം പ്രവർത്തനം തുടരുകയാണ്. സോഷ്യൽ മീഡിയ അക്കൗണ്ടുകൾ ഹാക്ക് ചെയ്യാമെന്ന വ്യാജ വാഗ്ദാനങ്ങളിൽ പൊതുജനങ്ങൾ അതീവ ജാഗ്രത പുലർത്തണമെന്ന് സൈബർ വിദഗ്ധർ മുന്നറിയിപ്പ് നൽകുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: A major scam is being reported on Facebook where individuals are promised hacking services for social media accounts like WhatsApp, Instagram, and Facebook under the name 'Veloher hack'. 

#CyberFraud #SocialMediaScam #VeloherHack #KozhikodeNews #CyberSafety #KeralaPolice #OnlineScam #AmmuNews