ഷിംജിത വീണ്ടും കുരുക്കിൽ; അനുവാദമില്ലാതെ ദൃശ്യം പകർത്തിയെന്ന് സഹയാത്രികയുടെ പരാതി, ഹണിട്രാപ്പ് ആരോപണത്തിലും അന്വേഷണം

കണ്ണൂർ: (KVARTHA) സോഷ്യൽ മീഡിയയിലൂടെയുള്ള വ്യക്തിഹത്യയിൽ മനംനൊന്ത് യുവാവ് ജീവനൊടുക്കിയ സംഭവത്തിൽ അറസ്റ്റിലായ ഷിംജിത മുസ്തഫ കൂടുതൽ കുരുക്കിലേക്ക്. ആത്മഹത്യാ പ്രേരണാക്കുറ്റത്തിന് പുറമേ, ബസിലെ സഹയാത്രികയായ പെൺകുട്ടിയുടെ സ്വകാര്യത ലംഘിച്ചതിനും ഷിംജിതയ്ക്കെതിരെ പരാതി ഉയർന്നിരിക്കുകയാണ്.

സഹയാത്രികയുടെ പരാതി

ഷിംജിത വീഡിയോ ചിത്രീകരിച്ച പയ്യന്നൂർ നഗരത്തിലൂടെ ഓടിയ അതേ ബസ്സിലുണ്ടായിരുന്ന പെൺകുട്ടിയാണ് കണ്ണൂർ പൊലീസിൽ പരാതി നൽകിയത്. തന്റെ മുഖം അനാവശ്യമായി ചിത്രീകരിച്ച് സമൂഹമാധ്യമങ്ങളിലൂടെ പ്രചരിപ്പിച്ചെന്നും ഇത് എത്രയും പെട്ടെന്ന് നീക്കം ചെയ്യണമെന്നുമാണ് പെൺകുട്ടിയുടെ ആവശ്യം. ദീപക്കിന്റെ ബന്ധുക്കൾ വിവരാവകാശ അപേക്ഷ നൽകിയതോടെയാണ് ഈ വിവരം പുറത്തുവന്നത്.

വാദങ്ങൾ പൊളിയുന്നു

താൻ മാത്രമല്ല, ബസിലുണ്ടായിരുന്ന മറ്റൊരു സഹയാത്രികയ്ക്കും ദീപക്കിൽ നിന്നും ലൈംഗികാതിക്രമം നേരിട്ടുവെന്നായിരുന്നു ഷിംജിതയുടെ പ്രധാന വാദം. എന്നാൽ ആ പെൺകുട്ടി തന്നെ ഇപ്പോൾ ഷിംജിതയ്ക്കെതിരെ പരാതിയുമായി രംഗത്തെത്തിയതോടെ ഈ വാദം പൊളിഞ്ഞു. 

കൂടാതെ, സംഭവത്തിന് ശേഷം വടകര പൊലീസിൽ പരാതി നൽകിയിരുന്നുവെന്ന് ഷിംജിത അവകാശപ്പെട്ടിരുന്നു. എന്നാൽ അത്തരമൊരു പരാതി ലഭിച്ചിട്ടില്ലെന്ന് വടകര പൊലീസ് വ്യക്തമാക്കിയതോടെ അതും കള്ളമാണെന്ന് തെളിഞ്ഞു.

ഹണിട്രാപ്പ് അന്വേഷണം

അതിനിടെ, വിവിധ കോണുകളിൽ നിന്നും ഉയർന്ന ഹണിട്രാപ്പ് ആരോപണങ്ങളിൽ ഷിംജിത മുസ്തഫയ്‌ക്കെതിരെ അന്വേഷണം നടത്താൻ പൊലീസ് തീരുമാനിച്ചു. ദീപക്കിനെ ഭീഷണിപ്പെടുത്തിയിരുന്നോ എന്ന് കണ്ടെത്താൻ ദീപക്കിന്റെ ഫോൺ ശാസ്ത്രീയ പരിശോധനയ്ക്ക് വിധേയമാക്കും.

ഷിംജിതയുടെ ഫോണും പരിശോധിക്കുന്നുണ്ട്. ഫോണുകളുടെ ശാസ്ത്രീയ പരിശോധന വേഗത്തിലാക്കി കാര്യങ്ങളിൽ വ്യക്തത വരുത്താനാണ് പൊലീസിന്റെ നീക്കം.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റ് ചെയ്യു

Article Summary: Shimjitha Musthafa, arrested in connection with the suicide of Deepak, faces fresh trouble as a co-passenger files a complaint for unauthorized filming. Police have also launched an investigation into honeytrap allegations and debunked her claim of filing a complaint with Vadakara police.

#ShimjithaMusthafa #DeepakSuicide #KannurNews #Honeytrap #KeralaPolice #SocialMediaCrime #PrivacyViolation