പാനൂരിൽ സ്‌കൂൾ ലാബിനുള്ളിൽ ക്ലർക്ക് മരിച്ച നിലയിൽ; പോലീസ് അന്വേഷണം ആരംഭിച്ചു

കണ്ണൂർ: (KVARTHA) പാനൂരിൽ സ്‌കൂൾ ജീവനക്കാരനെ സ്‌കൂളിനുള്ളിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി. പാനൂർ പി.ആർ മെമ്മോറിയൽ ഹയർ സെക്കൻഡറി സ്‌കൂളിലെ ക്ലർക്ക് പാനൂർ സ്വദേശി ഓണിയന്റവിട ഷിബിൻ (35) ആണ് മരിച്ചത്.

വെള്ളിയാഴ്ച രാവിലെയാണ് സംഭവം പുറത്തറിയുന്നത്. സ്‌കൂളിലെ ഹയർ സെക്കൻഡറി ലാബിനുള്ളിലാണ് തൂങ്ങി മരിച്ച നിലയിൽ കണ്ടെത്തിയത്. ഉടൻ തന്നെ സ്കൂൾ അധികൃതർ പോലീസിൽ വിവരമറിയിക്കുകയായിരുന്നു.

വിവരമറിഞ്ഞ് പാനൂർ പോലീസ് സ്ഥലത്തെത്തി പ്രാഥമിക പരിശോധനകൾ നടത്തി. തുടർന്ന് ഇൻക്വസ്റ്റ് നടപടികൾ പൂർത്തിയാക്കി മൃതദേഹം പോസ്റ്റുമോർട്ടം നടപടികൾക്കായി ആശുപത്രി മോർച്ചറിയിലേക്ക് മാറ്റി.

മരണകാരണം എന്താണെന്നത് സംബന്ധിച്ച് നിലവിൽ വ്യക്തതയില്ലെന്ന് പോലീസ് അറിയിച്ചു. പോസ്റ്റുമോർട്ടം റിപ്പോർട്ട് ലഭിച്ചാൽ മാത്രമേ മരണകാരണം ശാസ്ത്രീയമായി സ്ഥിരീകരിക്കാൻ കഴിയുകയുള്ളൂ. സംഭവത്തിൽ പാനൂർ പോലീസ് അസ്വാഭാവിക മരണത്തിന് കേസെടുത്ത് വിശദമായ അന്വേഷണം ആരംഭിച്ചിട്ടുണ്ട്.

ഈ വാർത്ത ഷെയർ ചെയ്യൂ. 

Article Summary: A 35-year-old school clerk named Shibin was found dead inside the lab of PR Memorial Higher Secondary School in Panoor, Kannur. Police have registered a case of unnatural death.

#Panoor #Kannur #SchoolNews #DeathCase #PoliceInvestigation #KeralaNews