സന്തോഷ് കീഴാറ്റൂരിൻ്റെ മകനും കൂട്ടുകാർക്കും പിറന്നാൾ ആഘോഷത്തിനിടെ മർദ്ദനം; പോലീസ് കേസെടുത്തു

തളിപ്പറമ്പ്: (KVARTHA) പ്രമുഖ ചലച്ചിത്രനടൻ സന്തോഷ് കീഴാറ്റൂരിൻ്റെ മകൻ യദുശാന്ത് ഉൾപ്പെടെ നാല് വിദ്യാർത്ഥികൾക്ക് പിറന്നാൾ ആഘോഷത്തിനിടെ മർദ്ദനമേറ്റു. തലശ്ശേരി ചിന്മയ വിദ്യാലയത്തിന് സമീപം വെച്ചായിരുന്നു സംഭവം. ഋഷഭ്, വിവേക്, അർജുൻ എന്നിവരാണ് മർദ്ദനമേറ്റ മറ്റ് വിദ്യാർത്ഥികൾ. ഇവരെ തളിപ്പറമ്പിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.

ബുധനാഴ്ച രാത്രി ഒൻപതരയോടെയാണ് സംഭവം നടന്നത്. സുഹൃത്തിൻ്റെ പിറന്നാൾ ആഘോഷത്തിൽ പങ്കെടുത്ത ശേഷം മടങ്ങുകയായിരുന്ന വിദ്യാർത്ഥികളെ തൃച്ചംബരം സ്വദേശികളായ സന്തോഷ്, പ്രജീഷ്, ശ്രീകാന്ത്, ഷിജു, അക്ഷയ്, മഹേഷ് എന്നിവരടങ്ങുന്ന സംഘം തടഞ്ഞുനിർത്തി ഹെൽമെറ്റ് ഉപയോഗിച്ച് മർദ്ദിക്കുകയായിരുന്നു.

മർദ്ദനത്തിൽ നിന്ന് രക്ഷപ്പെടാനായി വിദ്യാർത്ഥികൾ അടുത്തുള്ള ഒരു വീട്ടിൽ അഭയം തേടി. അവിടെ നിന്ന് സന്തോഷ് കീഴാറ്റൂരിനെ ഫോണിൽ വിളിച്ചറിയിച്ചു. ഉടൻ തന്നെ സന്തോഷും അദ്ദേഹത്തിൻ്റെ സഹോദനും സിപിഎം തളിപ്പറമ്പ് നോർത്ത് ലോക്കൽ സെക്രട്ടറിയുമായ കെ.ബിജുമോനും സ്ഥലത്തെത്തി വിദ്യാർത്ഥികളെ രക്ഷപ്പെടുത്തി.

വിവരമറിഞ്ഞതിനെ തുടർന്ന് തളിപ്പറമ്പ് പോലീസ് സ്ഥലത്തെത്തി അന്വേഷണം ആരംഭിച്ചു. മർദ്ദനമേറ്റ കുട്ടികളെ ആശുപത്രിയിൽ പ്രവേശിപ്പിച്ചു. വിദ്യാർത്ഥികൾക്കെതിരെയുള്ള ആക്രമണത്തിൽ സിപിഎം തളിപ്പറമ്പ് ഏരിയാ കമ്മിറ്റിയും ബാലസംഘം തളിപ്പറമ്പ് ഏരിയാ കമ്മിറ്റിയും പ്രതിഷേധം രേഖപ്പെടുത്തി. 

ഏരിയാ സെക്രട്ടറി കെ.സന്തോഷ് ആശുപത്രിയിൽ ചികിത്സയിൽ കഴിയുന്ന കുട്ടികളെ സന്ദർശിച്ചു. മർദ്ദിച്ചവരുടെ ഫോട്ടോ സന്തോഷ് കീഴാറ്റൂർ പോലീസിന് കൈമാറിയിട്ടുണ്ട്. ഇതിൻ്റെ അടിസ്ഥാനത്തിൽ പോലീസ് അന്വേഷണം ഊർജ്ജിതമാക്കിയിട്ടുണ്ട്. കുട്ടികളെ മർദ്ദിച്ചവരെ തിരിച്ചറിഞ്ഞതായി തളിപ്പറമ്പ് പോലീസ് അറിയിച്ചു.

സന്തോഷ് കീഴാറ്റൂരിൻ്റെ മകനും കൂട്ടുകാർക്കും നേരെ നടന്ന ആക്രമണത്തെക്കുറിച്ച് കൂടുതൽ വിവരങ്ങൾ ഈ വാർത്തയിൽ വായിക്കുക. നിങ്ങളുടെ അഭിപ്രായങ്ങൾ പങ്കുവെക്കുക.

Summary: Actor Santhosh Keezhattoor's son and three other students were assaulted with helmets during a birthday celebration in Taliparamba; police have registered a case.

#SanthoshKeezhattoor #Taliparamba #StudentAssault #KeralaPolice #CrimeNews #Kannur