അടിയൊഴുക്കിൽ റീൽസ്! പയ്യാമ്പലം ബീച്ചിൽ യുവാക്കളുടെ സാഹസിക പ്രകടനം

കണ്ണൂർ: (KVARTHA) കനത്ത അടിയൊഴുക്കും ശക്തമായ തിരമാലകളുമുള്ളതിനാൽ കടൽക്ഷോഭം രൂക്ഷമായ പയ്യാമ്പലം ബീച്ചിൽ നീന്താനിറങ്ങിയ യുവാക്കൾ സുരക്ഷാ മുന്നറിയിപ്പ് അവഗണിച്ചു. 

ഞായറാഴ്ച ഉച്ചയ്ക്ക് ശേഷം മൂന്ന് മണിയോടെയാണ് അഞ്ചോളം യുവാക്കൾ കടലിലിറങ്ങിയത്. കഴിഞ്ഞ ഒരു മാസത്തിനിടെ രണ്ട് അപകടമരണങ്ങൾ നടന്ന ബീച്ചാണിത്.

സെൽഫി സ്റ്റിക്കടക്കം ഉപയോഗിച്ച് റീൽസെടുക്കാനാണ് ഇവർ ശ്രമിച്ചത്. അപകടം മനസ്സിലാക്കിയ ലൈഫ് ഗാർഡുകളും തീരദേശ പോലീസും ചേർന്ന് നിർബന്ധിച്ച് ഇവരെ കരയ്ക്കു കയറ്റുകയായിരുന്നു. മഴ മാറിയതിനെ തുടർന്ന് ബീച്ചിലേക്കുള്ള പ്രവേശനം പുനരാരംഭിച്ചതോടെയാണ് വിനോദസഞ്ചാരികൾ കൂട്ടമായെത്തിത്തുടങ്ങിയത്.

കടൽ ഇപ്പോഴും ശാന്തമല്ലെന്നും, ഈ സാഹചര്യത്തിൽ കടലിലിറങ്ങുന്നത് അപകടമാണെന്നും നീന്തൽ പരിശീലകനും ലൈഫ് ഗാർഡുമായ ചാൾസൺ ഏഴിമല മുന്നറിയിപ്പ് നൽകി. നല്ലപോലെ നീന്തലറിയാവുന്നവർ പോലും ഇപ്പോൾ കടലിലിറങ്ങുന്നത് അപകടകരമാണെന്നും അദ്ദേഹം ചൂണ്ടിക്കാട്ടി. 

നേരത്തെ, കനത്ത മഴയും കടൽക്ഷോഭവും കാരണം പയ്യാമ്പലം ഉൾപ്പെടെയുള്ള ബീച്ചുകളിലേക്ക് വിനോദസഞ്ചാരികൾക്ക് പ്രവേശനം ജില്ലാ കളക്ടർ നിരോധിച്ചിരുന്നു

മുന്നറിയിപ്പുകൾ അവഗണിച്ചുള്ള റീൽസ് സാഹസങ്ങളെക്കുറിച്ച് നിങ്ങളുടെ അഭിപ്രായം കമന്റ് ചെയ്യുക. ഈ വാർത്ത ഷെയർ ചെയ്യൂ.

Article Summary: Youths ignore warnings for reels, rescued from rough seas.

#KeralaNews #PayyambalamBeach #Kollam #BeachSafety #ReelsDanger #Lifeguards