കൊച്ചി: (KVARTHA) റാപ്പർ വേടനെതിരെ (ഹിരൺദാസ് മുരളി) വീണ്ടും കേസ്. ഒരു ഗവേഷക വിദ്യാർത്ഥിനിയുടെ പരാതിയിൽ എറണാകുളം സെൻട്രൽ പോലീസ് സ്റ്റേഷനിലാണ് കേസ് രജിസ്റ്റർ ചെയ്തത്. സ്ത്രീത്വത്തെ അപമാനിക്കൽ, ലൈംഗിക അതിക്രമം, അശ്ലീല പദപ്രയോഗം, സ്ത്രീത്വത്തെ അപകീർത്തിപ്പെടുത്തും വിധം ലൈംഗിക ചേഷ്ടകൾ കാട്ടുക തുടങ്ങിയ കുറ്റങ്ങളാണ് വേടനെതിരെ ചുമത്തിയിരിക്കുന്നത്.

യുവതി മുഖ്യമന്ത്രിയുടെ ഓഫീസിൽ നൽകിയ പരാതി, അന്വേഷണത്തിനായി പോലീസിന് കൈമാറിയതിനെ തുടർന്നാണ് നടപടി. 2020 ഡിസംബറിലാണ് പരാതിക്ക് ആസ്പദമായ സംഭവം നടന്നത്.

ഗവേഷണത്തിന്റെ ഭാഗമായി പരാതിക്കാരി വേടനുമായി ബന്ധപ്പെട്ടിരുന്നു. 2020 ഡിസംബർ 20-ന് കൊച്ചിയിലെ ഒരു ഫ്ലാറ്റിൽ വെച്ച് വേടൻ തന്നെ അപമാനിക്കാൻ ശ്രമിച്ചെന്നാണ് യുവതിയുടെ പരാതി. അപമാനിക്കാൻ ശ്രമിച്ച സ്ഥലത്തുനിന്ന് യുവതി ഓടി രക്ഷപ്പെടുകയായിരുന്നുവെന്നും പരാതിയിൽ പറയുന്നു.

വേടനെതിരെയുള്ള പരാതിയുമായി രണ്ടാഴ്ച മുൻപ് രണ്ട് യുവതികൾ മുഖ്യമന്ത്രിയുടെ ഓഫീസിനെ സമീപിച്ചിരുന്നു. ഈ പരാതികളിൽ ഒന്നിലാണ് പുതിയ കേസ്. ഈ മാസം 21-നാണ് എഫ്.ഐ.ആർ. രജിസ്റ്റർ ചെയ്തത്. നിലവിൽ കേരളത്തിന് പുറത്തുള്ള പരാതിക്കാരിയുടെ വിശദമായ മൊഴി പോലീസ് ഉടൻ രേഖപ്പെടുത്തും.

തൃക്കാക്കര പോലീസ് രജിസ്റ്റർ ചെയ്ത കേസിൽ വേടന്റെ മുൻകൂർ ജാമ്യാപേക്ഷ ഹൈക്കോടതിയുടെ പരിഗണനയിലിരിക്കെയാണ് പുതിയ കേസ്.
 

റാപ്പർക്കെതിരായ പുതിയ കേസിനെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: New case filed against rapper Vedan by a research student.

#Vedan #Rapper #SexualAssault #KeralaPolice #Kochi #CrimeNews