വീട്ടിലെ അലമാരയിൽനിന്ന് സ്വർണം മോഷ്ടിച്ചു; രാമന്തളിയിൽ സഹോദരൻ അറസ്റ്റിൽ

പയ്യന്നൂർ: (KVARTHA) രാമന്തളിയിലെ വീട്ടിൽനിന്ന് നാലേമുക്കാൽ പവൻ സ്വർണാഭരണങ്ങൾ മോഷ്ടിച്ച കേസിൽ ബന്ധു ഉൾപ്പെടെ രണ്ടുപേർ പിടിയിൽ. എം. സജീവൻ (41), രാഗേഷ് (39) എന്നിവരെയാണ് പയ്യന്നൂർ എസ്.ഐ. പി. യദുകൃഷ്ണൻ അറസ്റ്റ് ചെയ്തത്.

രാമന്തളി മൊട്ടക്കുന്നിലെ മാട്ടൂക്കാരൻ ഹൗസിൽ എം. സജനയുടെ പരാതിയിലാണ് പോലീസ് കേസെടുത്തത്. പിടിയിലായ സജീവൻ പരാതിക്കാരിയുടെ സഹോദരനാണ്. ഓഗസ്റ്റ് 26-നും 31-നും ഇടയിൽ വീട്ടിലെ അലമാരയിൽ സൂക്ഷിച്ച 3.50 ലക്ഷം രൂപ വിലവരുന്ന സ്വർണാഭരണങ്ങൾ മോഷണം പോയിരുന്നു. 

തുടർന്ന് യുവതി പയ്യന്നൂർ പോലീസിൽ പരാതി നൽകുകയായിരുന്നു. സംഭവത്തിൽ സഹോദരനായ സജീവനെ സംശയിക്കുന്നതായി യുവതി പോലീസിനെ അറിയിച്ചിരുന്നു. യുവതിയുടെ പരാതിയെ തുടർന്ന് പോലീസ് നടത്തിയ അന്വേഷണത്തിലാണ് ഇരുവരും പിടിയിലായത്.

സ്വന്തം വീട്ടിൽ മോഷണം നടത്തുന്ന ഈ പ്രവണതയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Two men, including the brother of the victim, were arrested.

#Kerala #Crime #Theft #Kannur #Ramanthali #News