പെട്രോള്‍ അടിച്ച് മുങ്ങിയവര്‍ പിടിയിൽ: പുനലൂർ പോലീസിന്റെ മിന്നൽ നീക്കം

കൊല്ലം: (KVARTHA) പുനലൂരിലെ പെട്രോള്‍ പമ്പില്‍ നിന്ന് 3000 രൂപയുടെ പെട്രോളടിച്ച് പണം നൽകാതെ കടന്നുകളഞ്ഞ തമിഴ്‌നാട് സ്വദേശികളായ രണ്ട് പേരെ പുനലൂര്‍ പോലീസ് മണിക്കൂറുകള്‍ക്കകം പിടികൂടി. തിരുനെല്‍വേലി സ്വദേശികളായ ചുടലൈകണ്ണന്‍, ഇയാളുടെ ബന്ധു കണ്ണന്‍ എന്നിവരാണ് പിടിയിലായത്.

ചെമ്മന്തൂരിലെ പെട്രോള്‍ പമ്പിലാണ് ചൊവ്വാഴ്ച വൈകിട്ട് നാടകീയ സംഭവങ്ങള്‍ അരങ്ങേറിയത്. ഇന്നോവ കാറിലെത്തിയ സംഘം 3000 രൂപയുടെ പെട്രോള്‍ അടിച്ച ശേഷം പണം നല്‍കാതെ അതിവേഗം കടന്നുകളയുകയായിരുന്നു. പമ്പിലെ ജീവനക്കാരി ബഹളം വെക്കുകയും കാറിന് പിന്നാലെ ഓടുകയും ചെയ്‌തെങ്കിലും പ്രതികള്‍ രക്ഷപ്പെട്ടു. ഉടന്‍ തന്നെ പമ്പ് അധികൃതർ പുനലൂര്‍ പോലീസില്‍ വിവരമറിയിക്കുകയായിരുന്നു.

പരാതി ലഭിച്ചയുടന്‍ പോലീസ് ഊര്‍ജ്ജിത അന്വേഷണം ആരംഭിച്ചു. സമീപപ്രദേശങ്ങളിലെ സിസിടിവി ദൃശ്യങ്ങള്‍ പരിശോധിക്കുകയും വാഹനം കേന്ദ്രീകരിച്ച് അന്വേഷണം വ്യാപിപ്പിക്കുകയും ചെയ്തു. മണിക്കൂറുകള്‍ക്കകം തന്നെ പ്രതികളെ പിടികൂടാന്‍ പോലീസിന് കഴിഞ്ഞു.

പുനലൂർ പോലീസിന്റെ ഈ വേഗത്തിലുള്ള നടപടിയെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക, 

Article Summary (English): Punalur Police swiftly arrested two TN natives for petrol theft at a pump.

#PunalurPolice, #PetrolTheft, #KeralaCrime, #QuickArrest, #KollamNews, #PoliceAction