പുതുച്ചേരി മദ്യം വീട്ടിൽ സൂക്ഷിച്ചതിന് യുവതി അറസ്റ്റിൽ; തലശ്ശേരിയിൽ സംഭവം

തലശ്ശേരി: (KVARTHA) ധർമ്മടത്ത് ഒരു വീട്ടിൽ നടത്തിയ പരിശോധനയിൽ പുതുച്ചേരിയിൽ മാത്രം വിൽക്കാൻ അനുമതിയുള്ള 36 കുപ്പികളോളം ഇന്ത്യൻ നിർമ്മിത വിദേശമദ്യം പിടികൂടി. വിൽപ്പനയ്ക്കായി വീട്ടിൽ സൂക്ഷിച്ചിരുന്ന മദ്യവുമായി ധർമ്മടം അട്ടാര കുന്നിലെ എ. സ്വീറ്റി എന്ന യുവതിയെ എക്സൈസ് സംഘം അറസ്റ്റ് ചെയ്തു.

തലശ്ശേരി റേഞ്ച് അസിസ്റ്റൻ്റ് എക്സൈസ് ഇൻസ്പെക്ടർ കെ.എം ദീപക്കും സംഘവും രഹസ്യ വിവരത്തെ തുടർന്ന് ധർമ്മടം ഭാഗത്ത് നടത്തിയ തിരച്ചിലിലാണ് മദ്യം കണ്ടെത്തിയത്. പുതുച്ചേരിയിൽ മാത്രം വിൽക്കാൻ അനുമതിയുള്ള മദ്യം വീട്ടിൽ സൂക്ഷിച്ചതിന് അബ്കാരി നിയമപ്രകാരമാണ് യുവതിയെ അറസ്റ്റ് ചെയ്തത്.

മദ്യവിൽപ്പന നടത്തുന്നു എന്ന രഹസ്യ വിവരത്തെ തുടർന്ന് സ്വീറ്റി എക്സൈസിൻ്റെ നിരീക്ഷണത്തിലായിരുന്നു. അറസ്റ്റിലായ പ്രതിയെ പിന്നീട് കോടതിയിൽ ഹാജരാക്കി റിമാൻഡ് ചെയ്തു. റെയ്ഡ് നടത്തിയ എക്സൈസ് സംഘത്തിൽ വനിതാ സിവിൽ എക്സൈസ് ഓഫീസർമാരായ പി.പി ഐശ്വര്യ, എം. ദീപ, എം.കെ പ്രസന്ന എന്നിവരും പങ്കെടുത്തു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Summary: A young woman was arrested in Thalassery, Kerala, for possessing 36 bottles of liquor meant for sale only in Puducherry, which she allegedly kept for illegal sale at her residence.

#KeralaNews, #Thalassery, #PuducherryLiquor, #ExciseAction, #CrimeNews, #IllegalSale