ഭർത്താവിനെ തിരഞ്ഞെത്തിയ പൊലീസ് ഗർഭിണിയുടെ വയറ്റിൽ ചവിട്ടിയെന്ന് ആരോപണം; പ്രസവത്തിന് പിന്നാലെ യുവതി മരിച്ചു; നവജാത ശിശു ഗുരുതരാവസ്ഥയില്‍

ഫിറോസാബാദ്: (KVARTHA) പൊലീസിൻ്റെ മർദനമേറ്റ ഗർഭിണി പ്രസവത്തിന് പിന്നാലെ മരിച്ച സംഭവത്തിൽ ആറ് പൊലീസുകാർക്ക് സസ്പെൻഷൻ. ഷികോഹാബാദ് സ്വദേശിയായ അഞ്ജലി (28) ആണ് മരിച്ചത്.

മോഷണക്കേസിൽ കുറ്റാരോപിതനായ, അഞ്ജലിയുടെ ഭർത്താവ് ഗൗരവിനെ അന്വേഷിച്ച് എത്തിയ പൊലീസ് സംഘമാണ് അതിക്രമം നടത്തിയതെന്നാണ് കുടുംബം ആരോപിക്കുന്നത്.

പൊലീസിനെതിരെ കുടുംബത്തിൻ്റെ ആരോപണം

2026 സെപ്റ്റംബർ 13 ഞായറാഴ്ച രാത്രി 11.45-ഓടെയാണ് പൊലീസ് സംഘം ഇവരുടെ വീട്ടിലെത്തിയത്. ഗൗരവിനെ അറസ്റ്റ് ചെയ്ത് കൊണ്ടുപോകരുതെന്ന് അപേക്ഷിച്ച് എത്തിയ അഞ്ജലിയുടെ വയറ്റിൽ പൊലീസ് സംഘത്തിലുണ്ടായിരുന്ന സബ് ഇൻസ്പെക്ടർ ധർമപാൽ സിങ് ചവിട്ടുകയായിരുന്നുവെന്നാണ് കുടുംബത്തിൻ്റെ പ്രധാന ആരോപണം.

അഞ്ജലി വീണതിനുശേഷവും പൊലീസ് ഗൗരവിനെ കസ്റ്റഡിയിലെടുത്ത് കൊണ്ടുപോവുകയായിരുന്നുവെന്ന് ബന്ധുക്കൾ പറയുന്നു.

കുഞ്ഞിൻ്റെ നില ഗുരുതരം

പൊലീസിൻ്റെ മർദനമേറ്റതോടെ അഞ്ജലിയുടെ ആരോഗ്യനില മോശമായി. തുടർന്ന് ഇവരെ ഷികോഹാബാദിലെ ആശുപത്രിയിൽ പ്രവേശിപ്പിച്ചു. ആശുപത്രിയിൽ വെച്ച് 2026 സെപ്റ്റംബർ 14 തിങ്കളാഴ്ച രാവിലെ അഞ്ജലി പ്രസവിച്ചെങ്കിലും ഇവരുടെ ആരോഗ്യനില ഗുരുതരമായി തുടരുകയായിരുന്നു.

വിദഗ്ധ ചികിത്സയ്ക്കായി ഫിറോസാബാദിലെ സ്വകാര്യ ആശുപത്രിയിലേക്ക് മാറ്റിയെങ്കിലും അഞ്ജലിയുടെ ജീവൻ രക്ഷിക്കാനായില്ല. ഇവരുടെ നവജാത ശിശുവിൻ്റെ നിലയും ഗുരുതരമായി തുടരുകയാണ്.

പൊലീസ് സ്റ്റേഷൻ ഉപരോധവും സസ്പെൻഷനും

അഞ്ജലിയുടെ മരണത്തിന് പിന്നാലെ പ്രദേശത്ത് ജനരോഷം ഉയർന്നിരുന്നു. സമാജ് വാദി പാർട്ടി ദേശീയ ജനറൽ സെക്രട്ടറി റാംജിലാൽ സുമൻ്റെ നേതൃത്വത്തിൽ ഷികോഹാബാദ് പൊലീസ് സ്റ്റേഷന് മുന്നിൽ ഉപരോധം ആരംഭിച്ചതോടെയാണ് സംഭവം ചർച്ചയായത്. അഞ്ജലിയെ ആക്രമിച്ച പൊലീസുകാർക്കെതിരെ കൊലപാതകക്കേസ് രജിസ്റ്റർ ചെയ്യണമെന്നാവശ്യപ്പെട്ടായിരുന്നു ഉപരോധം.

ഇതിനു പിന്നാലെയാണ് സർക്കാരും ഉന്നത ഉദ്യോഗസ്ഥരും ഇടപെട്ട് പൊലീസുകാരെ അന്വേഷണ വിധേയമായി സസ്പെൻഡ് ചെയ്തത്. എസ്ഐമാരായ ധർമപാൽ സിങ്, സത്യപാൽ സിങ്, ഹെഡ് കോൺസ്റ്റബിൾമാരായ മോഹൻ സിങ്, അരവിന്ദ് കുമാർ, കോൺസ്റ്റബിൾമാരായ ഭവ്തോഷ് കുമാർ, കുൽദീപ് കുമാർ എന്നിവർക്കെതിരെയാണ് നടപടി സ്വീകരിച്ചിരിക്കുന്നത്.

ഈ വാർത്ത നിങ്ങളുടെ വാട്സ്ആപ്പ് ഗ്രൂപ്പുകളിൽ ഷെയർ ചെയ്യൂ. കൂടുതല്‍ വാർത്തകള്‍ അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. 

Article Summary: Pregnant UP woman dies after police allegedly kicked her; 6 cops suspended.

#Kvartha #UttarPradeshNews #Firozabad #PoliceBrutality #CrimeNews #MalayalamNews #SobhaNews