നായാട്ടുസംഘം അഴിക്കുള്ളിൽ; 98 കിലോ കാട്ടുപന്നി ഇറച്ചി പിടികൂടി
● ഇറച്ചി വെട്ടിനുറുക്കാൻ ഉപയോഗിച്ച ആയുധങ്ങളും പിടിച്ചെടുത്തു.
● കണ്ണൂർ മജിസ്‌ട്രേറ്റ് കോടതി പ്രതികളെ റിമാൻഡ് ചെയ്തു.
● ജനവാസ കേന്ദ്രങ്ങളിൽ ഇറങ്ങുന്ന കാട്ടുപന്നികളെ വേട്ടയാടി.
● തളിപ്പറമ്പ് ഫോറസ്റ്റ് റേഞ്ച് ഓഫീസറാണ് അറസ്റ്റ് ചെയ്തത്.
തളിപ്പറമ്പ്: (KVARTHA) ബാവുപ്പറമ്പിൽ കാട്ടുപന്നിയെ പിടികൂടി കൊന്ന് ഇറച്ചിയാക്കി വിൽപന നടത്തിയ നാലംഗ നായാട്ടുസംഘം റിമാൻഡിൽ. കെ. രാജേഷ് (53), പി.പി. സുരേഷ് (44), ടി.കെ. സഹദേവൻ (49), ടി.വി. മുനീർ (48) എന്നിവരെയാണ് തളിപ്പറമ്പ് ഫോറസ്റ്റ് റേഞ്ച് ഓഫീസർ പി.വി. സനുപ്കൃഷ്ണന്റെ നേതൃത്വത്തിൽ അറസ്റ്റ് ചെയ്തത്. കണ്ണൂർ മജിസ്‌ട്രേറ്റ് കോടതിയിൽ ഹാജരാക്കിയ പ്രതികളെ രണ്ടാഴ്ചത്തേക്ക് റിമാൻഡ് ചെയ്തു.
തളിപ്പറമ്പ് സ്‌പെഷ്യൽ ഡ്യൂട്ടി സെക്ഷൻ പരിധിയിൽ ബാവുപ്പറമ്പ് ഭാഗത്ത് കാട്ടുപന്നിയെ പിടികൂടി ഇറച്ചിയാക്കിയിട്ടുണ്ടെന്ന രഹസ്യ വിവരത്തെ തുടർന്ന് സ്ഥലത്തെത്തിയ തളിപ്പറമ്പ് റേഞ്ച് ഫോറസ്റ്റ് ഓഫീസറും സംഘവും ചേർന്നാണ് ഇവരെ പിടികൂടിയത്.
കാട്ടുപന്നിയുടെ 98 കിലോ തൂക്കം വരുന്ന ഇറച്ചി, വെട്ടിനുറുക്കാൻ ഉപയോഗിച്ച ആയുധങ്ങൾ എന്നിവയും പിടിച്ചെടുത്തിട്ടുണ്ട്. ജനവാസ കേന്ദ്രങ്ങളിൽ ഇറങ്ങുന്ന കാട്ടുപന്നികളെ വെടിവെച്ചുപിടിച്ച് ഇറച്ചിയാക്കി വിൽപന നടത്തുന്ന നായാട്ടുസംഘത്തിലെ പ്രധാനികളാണ് പിടിയിലായത്.
നായാട്ടുസംഘങ്ങളെ പിടികൂടുന്നതിനെക്കുറിച്ചുള്ള നിങ്ങളുടെ അഭിപ്രായം പങ്കുവെക്കുക.
Article Summary: Four-member poaching gang arrested in Taliparamba with 98 kg wild boar meat.
#KeralaForest #Poaching #WildBoar #Kannur #WildlifeCrime #Arrest
