ശീതളപാനീയത്തിൽ മദ്യം കലർത്തി നൽകിയ ശേഷം പ്ലസ് വൺ വിദ്യാർത്ഥിനിയെ കൂട്ടബലാത്സംഗം ചെയ്തതായി പരാതി; എട്ടാം ക്ലാസിലെയും ഒൻപതാം ക്ലാസിലെയും വിദ്യാർത്ഥികൾ ഉൾപ്പെടെ മൂന്നുപേർ പോലീസ് കസ്റ്റഡിയിൽ

കാഞ്ചീപുരം: (KVARTHA) തമിഴ്നാട്ടിലെ കാഞ്ചീപുരത്ത് പ്ലസ് വൺ വിദ്യാർത്ഥിനിയെ കൂട്ടബലാത്സംഗം ചെയ്തതായി പരാതി. എട്ടാം ക്ലാസിലെയും ഒമ്പതാം ക്ലാസിലെയും വിദ്യാർത്ഥികൾ ഉൾപ്പെടെ മൂന്നുപേർ ചേർന്ന് പീഡിപ്പിച്ചെന്നാണ് പെൺകുട്ടി കാഞ്ചീപുരം ഓൾ വിമൻസ് പോലീസ് സ്റ്റേഷനിൽ പരാതി നൽകിയിരിക്കുന്നത്. ശീതളപാനീയത്തിൽ മദ്യം കലർത്തി നൽകിയശേഷം വിജനമായ പ്രദേശത്ത് കൊണ്ടുപോയി പീഡിപ്പിച്ചുവെന്നും പരാതിയിൽ പറയുന്നു.

കാഞ്ചീപുരം കലക്കത്തൂരിലെ സർക്കാർ സ്കൂൾ വിദ്യാർത്ഥിനിയാണ് പതിനാറുകാരിയായ പരാതിക്കാരി. വീട്ടുകാരോട് വിവരം പറഞ്ഞതിനെത്തുടർന്നാണ് പോലീസിൽ പരാതി നൽകിയത്. പത്തൊൻപത് വയസ്സുള്ള ഒരാളും എട്ട്, ഒമ്പത് ക്ലാസ്സുകളിൽ പഠിക്കുന്ന രണ്ട് വിദ്യാർത്ഥികളും ചേർന്നാണ് പീഡിപ്പിച്ചതെന്നാണ് പരാതി.

പരാതിയുടെ അടിസ്ഥാനത്തിൽ മൂന്ന് പേരെയും പോലീസ് പിടികൂടിയിട്ടുണ്ട്. കസ്റ്റഡിയിലുള്ള ഇവരെ പോലീസ് വിശദമായി ചോദ്യം ചെയ്തുവരികയാണ്. സിസിടിവി ദൃശ്യങ്ങൾ ഉൾപ്പെടെ ശേഖരിച്ച് പരിശോധിച്ച് വരികയാണെന്നും പോലീസ് അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: A Plus One student in Kancheepuram, Tamil Nadu, was allegedly gang-assaulted after being given an alcohol-laced soft drink. Three individuals, including eighth and ninth-grade students, have been taken into police custody.

#Kancheepuram #CrimeNews #StudentSafety #GangAssault #PoliceCustody #TamilNadu