കൊലക്കേസ് പ്രതിയുടെ പരാക്രമം; അയൽവാസിയുടെ വീടും കാറും അടിച്ചുതകർത്തു

പഴയങ്ങാടി: (KVARTHA) കൊലക്കേസ് പ്രതിയായ യുവാവ് മാരകായുധങ്ങളുമായി എത്തി അയൽവാസിയുടെ വീടും മുറ്റത്ത് നിർത്തിയിട്ട കാറും അടിച്ചുതകർത്തു. മാടായി വെങ്ങര ഹിന്ദു എൽപി സ്കൂളിന് സമീപത്തെ മുങ്ങത്ത് ഹൗസിൽ വേണുഗോപാലിന്റെ വീടിനും കാറിനുമാണ് അക്രമം നേരിടേണ്ടി വന്നത്. ജൂൺ 10 ബുധനാഴ്ച പുലർച്ചെ മൂന്ന് മണിയോടെയാണ് സംഭവം നടന്നത്. വേണുഗോപാലിന്റെ സമീപവാസിയും സ്വന്തം സഹോദരനെ കൊലപ്പെടുത്തിയ കേസിലെ പ്രതിയുമായ വിനോദ് കുമാർ (39) ആണ് അക്രമം നടത്തിയത്. 

വീടിന്റെ മുഴുവൻ ജനൽ ഗ്ലാസുകളും അടിച്ചുതകർത്ത നിലയിലാണ്. ഇതിന് പുറമെ മുറ്റത്ത് നിർത്തിയിട്ട കാറിന്റെ മുൻവശത്തെ ഗ്ലാസും പ്രതി അടിച്ചുതകർത്തു. വീടിന്റെ കുടിവെള്ള ടാങ്കും മുറ്റത്തുണ്ടായിരുന്ന മറ്റ് വീട്ടുപകരണങ്ങളും നശിപ്പിച്ചിട്ടുണ്ട്. കിടപ്പുമുറിയിലെ ജനൽ ഗ്ലാസുകൾ തകർക്കുന്ന ശബ്ദം കേട്ടാണ് കുടുംബം പുലർച്ചെ ഞെട്ടിയുണർന്നത്. പെട്ടെന്ന് തന്നെ വീട്ടുകാർ വെളിച്ചം തെളിച്ചതോടെ പ്രതി ഓടി രക്ഷപ്പെടുകയായിരുന്നു.

അക്രമത്തിൽ ഏകദേശം ഏഴ് ലക്ഷം രൂപയുടെ നഷ്ടം സംഭവിച്ചതായാണ് കണക്കാക്കുന്നത്. വിവരമറിഞ്ഞ് സ്ഥലത്തെത്തിയ പൊലീസ് പ്രതിയായ വിനോദ് കുമാറിനെ കസ്റ്റഡിയിലെടുത്തു.

പ്രാദേശിക വാർത്തകളും മറ്റ് വിവരങ്ങളും അറിയാൻ ഞങ്ങളുടെ വാട്സ്ആപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമന്റായി രേഖപ്പെടുത്തുക.

Article Summary: A murder accused vandalized his neighbor's house and car in Pazhayangadi early Wednesday morning, causing damages worth seven lakh rupees before being taken into police custody.

#PazhayangadiNews #KeralaPolice #CrimeNews #KannurNews #Vandalism #MalayalamNews #AnjanaNews