പയ്യാവൂരിൽ മിനിലോറി തലകീഴായി മറിഞ്ഞു; അതീവ ഗുരുതരമായി പരിക്കേറ്റ രണ്ട് പേർ മരണത്തിന് കീഴടങ്ങി

കണ്ണൂർ: (KVARTHA) പയ്യാവൂർ മുത്താറിക്കുളത്ത് മിനിലോറി മറിഞ്ഞ് രണ്ട് ഇതരസംസ്ഥാന തൊഴിലാളികൾ മരിച്ചു. കോൺക്രീറ്റ് മിക്സിങ് മെഷീൻ കയറ്റിയ മിനിലോറിയാണ് അപകടത്തിൽപ്പെട്ടത്. 

ഉത്തർപ്രദേശ് സ്വദേശികളായ തൊഴിലാളികളാണ് മരിച്ചത്. അപകടത്തിൽ പരിക്കേറ്റ ലോറിയിലുണ്ടായിരുന്ന ആറ് പേരെ കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.

മുത്താറിക്കുളം താവക്കുന്ന് വളവിൽ ശനിയാഴ്ച പുലർച്ചെയാണ് തോടിന് സമീപം ലോറി റോഡരികിലെ താഴ്ചയിലേക്ക് മറിഞ്ഞത്. കർണാടകയിൽ നിന്നും കോൺക്രീറ്റ് മിക്സിങ് മെഷീനുമായി ആലക്കോട് ഭാഗത്തേക്ക് പോകുമ്പോഴായിരുന്നു അപകടം സംഭവിച്ചത്.

തലകീഴായി മറിഞ്ഞ ലോറിക്കുള്ളിൽ കുടുങ്ങിയ പരിക്കേറ്റവരെ നാട്ടുകാരും പൊലീസും ചേർന്നാണ് പുറത്തെടുത്ത് ആശുപത്രിയിലെത്തിച്ചത്. അഗ്നിശമന സേനയും സ്ഥലത്തെത്തി രക്ഷാപ്രവർത്തനത്തിൽ പങ്കുചേർന്നു. അപകടത്തിൽ അതീവ ഗുരുതരമായി പരിക്കേറ്റ രണ്ട് തൊഴിലാളികളാണ് മരണപ്പെട്ടത്.

ഈ വാർത്ത മറ്റുള്ളവരിലേക്കും എത്തിക്കാൻ ഷെയർ ചെയ്യൂ. 

Article Summary: Two migrant workers from UP died after a mini lorry carrying a concrete mixer overturned in Payyavur, Kannur.

#KannurNews #Accident #Payyavur #MigrantWorkers #KeralaNews #LorryAccident