മറിഞ്ഞ ഡീസൽ ടാങ്കർ ലോറി നീക്കം ചെയ്തു, പയ്യന്നൂർ കോത്തായിയിലെ ഗതാഗതം പുനഃസ്ഥാപിച്ചു

പയ്യന്നൂർ: (KVARTHA) ദേശീയപാതയിൽ കോത്തായി മുക്കിന് സമീപം മറിഞ്ഞ ഡീസൽ ടാങ്കർ ലോറി നീക്കം ചെയ്തു. കഴിഞ്ഞ ദിവസം രാത്രി പത്തരയോടെയാണ് 14,000 ലിറ്റർ ഡീസലുമായി മംഗലാപുരത്ത് നിന്ന് തിരുവനന്തപുരം കെഎസ്ആർടിസി ഡിപ്പോയിലേക്ക് പോവുകയായിരുന്ന ടാങ്കർ ലോറി അപകടത്തിൽപ്പെട്ടത്. അപകടത്തിൽ ആർക്കും പരിക്കില്ല.

ടാങ്കറിൻ്റെ മുകളിലെ ലിഡിലൂടെ പുറത്തേക്ക് ഒഴുകിയ ഡീസൽ, അഗ്നിരക്ഷാ സേന ബക്കറ്റുകളിൽ ശേഖരിച്ച് കൂടുതൽ ചോർച്ചയുണ്ടാകാതെ ശ്രദ്ധിച്ചു. രണ്ട് ക്രെയിനുകൾ ഉപയോഗിച്ച് ലോറി ഉയർത്തി സുരക്ഷിതമായ സ്ഥലത്തേക്ക് മാറ്റി. 

റോഡിൽ വീണ ഗ്ലാസ് മാലിന്യങ്ങൾ നീക്കം ചെയ്യുകയും, വെള്ളം പമ്പ് ചെയ്ത് ഡീസൽ അവശിഷ്ടങ്ങൾ പൂർണമായും കഴുകിക്കളയുകയും ചെയ്തതോടെ ഗതാഗതം സാധാരണ നിലയിലായി. ഒരു മാസം മുൻപും ഈ ദേശീയപാതയിൽ ടാങ്കർ ലോറി മറിഞ്ഞിരുന്നു.

പയ്യന്നൂരിൽ നടന്ന ടാങ്കർ ലോറി അപകടത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Diesel tanker lorry overturned near Payyanur.

#Payyanur, #LorryAccident, #DieselTanker, #Kerala, #HighwaySafety, #FireForce