പയ്യന്നൂരിൽ ബിജെപി നേതാവിന്റെ വീടിന് മുന്നിൽ റീത്ത് വെച്ചു; സംഭവം രാത്രിയിൽ

പയ്യന്നൂർ: (KVARTHA) ബി ജെ പി പുഞ്ചക്കാട് ഏരിയാ ജനറൽ സെക്രട്ടറി ഒ.വി. വിജേഷിൻ്റെ വീട്ടു വരാന്തയിൽ റീത്ത് വെച്ച നിലയിൽ കണ്ടെത്തിയ സംഭവം പ്രദേശത്ത് ആശങ്കയുണ്ടാക്കി. 

ശനിയാഴ്ച രാത്രിയിലാണ് സംഭവം നടന്നതെന്നാണ് പ്രാഥമിക നിഗമനം. ഞായറാഴ്ച രാവിലെ വീട്ടുകാർ മുൻവശത്തെ വാതിൽ തുറന്നപ്പോഴാണ് വരാന്തയിൽ റീത്ത് വെച്ചത് ശ്രദ്ധയിൽപ്പെട്ടത്. ഉടൻതന്നെ നേതാക്കളെയും പയ്യന്നൂർ പോലീസിലും വിവരമറിയിക്കുകയായിരുന്നു.

പയ്യന്നൂർ നഗരസഭ തിരഞ്ഞെടുപ്പിൽ 5, 14, 23, 24 എന്നീ നാല് വാർഡുകളിൽ ബി ജെ പി രണ്ടാം സ്ഥാനത്തെത്തിയിരുന്നു. ഇതിൽ പ്രകോപിതരായവരാകാം റീത്ത് വെച്ചതെന്ന് ബി ജെ പി നേതാക്കൾ ആരോപിച്ചു.

വിവരമറിഞ്ഞ് ബി ജെ പി നേതാക്കളായ പനക്കീൽ ബാലകൃഷ്ണൻ, രവീന്ദ്രൻ ചിറ്റടി, ടി പി കൃഷ്ണൻ, കെ ബിജു, കെ വി അനിൽകുമാർ, കെ വിനോദ്, സുജിത് കുമാർ, അഭിലാഷ് എന്നിവർ സംഭവസ്ഥലം സന്ദർശിച്ചു. സംഭവത്തെക്കുറിച്ച് പയ്യന്നൂർ പോലീസ് അന്വേഷണം ആരംഭിച്ചു.

ഈ വാർത്തയെക്കുറിച്ച് നിങ്ങളുടെ അഭിപ്രായം കമന്റ് ചെയ്യുക. 

Article Summary: BJP leader's house in Payyanur found with a wreath placed in front; police investigate.

#Payyanur #BJP #WreathIncident #KeralaPolitics #PoliceInvestigation