പറശ്ശിനിക്കടവിലെ ലോഡ്ജിൽ മധ്യവയസ്ക മരിച്ച സംഭവം; ഒപ്പമുണ്ടായിരുന്ന സുഹൃത്തിനെ മാട്ടൂലിൽ മരിച്ച നിലയിൽ കണ്ടെത്തി

കണ്ണൂർ: (KVARTHA) പറശ്ശിനിക്കടവിലെ സ്വകാര്യ ലോഡ്ജിൽ മധ്യവയസ്കയെ മരിച്ച നിലയിൽ കണ്ടെത്തിയ സംഭവത്തിനു പിന്നലെ, ഒപ്പമുണ്ടായിരുന്ന ആൺ സുഹൃത്തിനെ മരിച്ച നിലയിൽ കണ്ടെത്തി. കണ്ണപുരം അയ്യോത്ത് സ്വദേശി കടേൽപറമ്പിൽ വീട്ടിൽ കെ.പി. വിജയനെയാണ് മാട്ടൂലിൽ മരിച്ച നിലയിൽ കണ്ടെത്തിയത്.

സംഭവം ഇങ്ങനെ

കണ്ണപുരം അയ്യോത്ത് സ്വദേശിനിയായ സീമയെയാണ് പറശ്ശിനിക്കടവ് സമ്മർലാന്റ് ഇൻ ലോഡ്ജിലെ 602-ാം നമ്പർ മുറിയിൽ മരിച്ച നിലയിൽ കണ്ടെത്തിയത്. സീമയുടെ അയൽവാസിയും മത്സ്യത്തൊഴിലാളിയുമായ വിജയൻ ഇവർക്കൊപ്പമുണ്ടായിരുന്നു. ബുധനാഴ്ച ഉച്ചയ്ക്ക് 12.50-നാണ് ഇരുവരും ചേർന്ന് ലോഡ്ജിൽ മുറിയെടുത്തത്.

എന്നാൽ, വൈകുന്നേരം ആറ് മണിയോടെ വിജയൻ മുറി പൂട്ടി പുറത്തേക്ക് പോയി. ഏറെ നേരം കഴിഞ്ഞിട്ടും ഇയാൾ തിരിച്ചുവരാത്തതിനെ തുടർന്ന് സംശയം തോന്നിയ ലോഡ്ജ് അധികൃതർ പോലീസിൽ വിവരമറിയിക്കുകയായിരുന്നു. തുടർന്ന് നടത്തിയ പരിശോധനയിലാണ് സീമയെ മരിച്ച നിലയിൽ കണ്ടെത്തിയത്.

വിജയനെ മരിച്ച നിലയിൽ കണ്ടെത്തി

ലോഡ്ജിൽ നിന്നും പോയ വിജയനെ വ്യാഴാഴ്ച രാവിലെയാണ് മാട്ടൂലിൽ ജസീന്തക്ക് സമീപം തെങ്ങിൽ തൂങ്ങിമരിച്ച നിലയിൽ കണ്ടെത്തിയത്. ലോഡ്ജ് സംഭവത്തിന് ശേഷം ഇയാൾ ജീവനൊടുക്കുകയായിരുന്നുവെന്നാണ് പ്രാഥമിക നിഗമനം.

കുടുംബം

മുട്ടിൽ സ്വദേശിനിയായ സീമയുടെ ഭർത്താവ് സുരേഷ് രണ്ട് വർഷം മുമ്പ് മരിച്ചിരുന്നു. മക്കൾ: ആദിത്ത്, ശ്രീലക്ഷ്മി.

മരിച്ച വിജയന്റെ ഭാര്യ: രാജി. മക്കൾ: വിജിന, വിസ്മയ.

തുടർനടപടികൾ

സീമയുടെ മൃതദേഹം തളിപ്പറമ്പ് എസ്.ഐ ദിനേശൻ കൊതേരിയുടെ നേതൃത്വത്തിൽ ഇൻക്വസ്റ്റ് നടത്തി. തുടർന്ന് പോസ്റ്റ്‌മോർട്ടം നടപടികൾക്കായി മൃതദേഹം പരിയാരത്തെ കണ്ണൂർ ഗവ. മെഡിക്കൽ കോളേജിലേക്ക് മാറ്റി. വിജയന്റെ മൃതദേഹവും പോസ്റ്റ്‌മോർട്ടത്തിനായി മാറ്റിയിട്ടുണ്ട്.

ഈ വാർത്ത ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Following the discovery of a middle-aged woman named Seema dead in a lodge at Parassinikkadavu, her male friend Vijayand was found dead in Mattool on Thursday. Police suspect death in Vijayan's case after he fled the lodge locking the room. Investigations are ongoing.

#KannurNews #Parassinikkadavu #CrimeNews #DeathReport #KeralaPolice #Kannapuram #Investigation #LodgeDeath #Mattool