പാപ്പിനിശ്ശേരിയിൽ മദ്യലഹരിയിൽ അപകടം: ചാനൽ ഉടമക്കെതിരെ കേസ്

വളപട്ടണം: (KVARTHA) മദ്യലഹരിയിൽ കാറോടിച്ച് അപകടമുണ്ടാക്കിയ കേസിൽ സ്വകാര്യ ചാനൽ ഉടമ അറസ്റ്റിൽ. വെള്ളിയാഴ്ച രാത്രി ഒമ്പതരയോടെ പാപ്പിനിശ്ശേരി പെട്രോൾ പമ്പിന് സമീപത്തായിരുന്നു സംഭവം. കെ.എം. അജയൻ (56) ആണ് അറസ്റ്റിലായത്.

അജയൻ ഓടിച്ചിരുന്ന കെ.എൽ-13 എ.ഡി-909 (KL13AD909) നമ്പർ കാർ പാപ്പിനിശ്ശേരി ജംഗ്ഷനിൽ വെച്ച് പെട്ടെന്ന് പിന്നോട്ടെടുത്തപ്പോൾ, പിന്നിലുണ്ടായിരുന്ന കെ.എൽ-59 വി-4193 നമ്പർ കാറിൽ ഇടിക്കുകയായിരുന്നു. മാട്ടൂൽ സൗത്ത് പള്ളിവളപ്പിൽ വീട്ടിൽ പി.വി. അൽത്താഫാണ് ഈ കാർ ഓടിച്ചിരുന്നത്.
 

അപകടത്തെ തുടർന്ന് നാട്ടുകാർ ഓടിക്കൂടുകയും അജയൻ മദ്യപിച്ചിട്ടുണ്ടെന്ന് സംശയം തോന്നിയതിനെ തുടർന്ന് വളപട്ടണം പോലീസിനെ വിവരമറിയിക്കുകയുമായിരുന്നു. 
 

എസ്.ഐ ടി.എം വിപിൻ സ്ഥലത്തെത്തി ആൽക്കോമീറ്റർ ഉപയോഗിച്ച് നടത്തിയ പരിശോധനയിൽ 97mg/100 ml എന്ന അളവിൽ മദ്യപിച്ചതായി കണ്ടെത്തി. തുടർന്ന് പോലീസ് വാഹനം കസ്റ്റഡിയിലെടുക്കുകയും അജയന്റെ പേരിൽ കേസെടുക്കുകയും ചെയ്തു. ഇയാൾ ഒരു സ്വകാര്യ ചാനൽ നടത്തിപ്പുകാരനാണെന്ന് പോലീസ് അറിയിച്ചു.

മദ്യപിച്ച് വാഹനമോടിക്കുന്നതിനെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.

Article Summary (English): Channel owner arrested in Pappinisseri for drunken driving accident.

#DrunkenDriving, #RoadSafety, #KeralaPolice, #Pappinisseri, #AccidentNews, #Arrest