ലഹരിമാഫിയക്കെതിരെ 'ഓപ്പറേഷൻ തൂഫാൻ' തുടരുന്നു; പരിയാരത്ത് കഞ്ചാവുമായി യുവാവും പഴയങ്ങാടിയിൽ എംഡിഎംഎയുമായി രണ്ട് പേരും പിടിയിൽ
 

കണ്ണൂർ: (KVARTHA) കണ്ണൂർ റൂറൽ പോലീസ് മേധാവിയുടെ നേതൃത്വത്തിൽ ലഹരിമാഫിയക്കെതിരെ ആരംഭിച്ച 'ഓപ്പറേഷൻ തൂഫാൻ' ഡ്രൈവിൻ്റെ ഭാഗമായി ജില്ലയിൽ നടത്തിയ പരിശോധനകളിൽ മയക്കുമരുന്നുമായി മൂന്ന് പേർ അറസ്റ്റിലായി. സ്വന്തം വീട്ടിൽ കഞ്ചാവ് വിൽപ്പന നടത്തിയ യുവാവും, പഴയങ്ങാടിയിൽ കാറിൽ എംഡിഎംഎ കടത്തിയ രണ്ട് പേരുമാണ് ഡാൻസാഫ് സംഘത്തിൻ്റെയും പോലീസിൻ്റെയും പിടിയിലായത്.

പരിയാരത്ത് കഞ്ചാവ് വേട്ട

സ്വന്തം വീട്ടിൽ കഞ്ചാവ് വിൽപ്പന നടത്തിവന്ന വി ജെ സഞ്ജുവിനെയാണ് (24) പരിയാരം പോലീസ് അറസ്റ്റ് ചെയ്തത്. ജില്ലാ പോലീസ് മേധാവിയുടെ കീഴിൽ പ്രവർത്തിക്കുന്ന ലഹരിവിരുദ്ധ സേനയായ ഡാൻസാഫും പരിയാരം പോലീസും സംയുക്തമായാണ് വ്യാഴാഴ്ച റെയ്ഡ് നടത്തിയത്. 

ഉച്ചയ്ക്ക് 1.35 ന് സഞ്ജുവിൻ്റെ വീട്ടിൽ നടത്തിയ പരിശോധനയിൽ അകത്തെ മുറിയിൽ നിലത്ത് വിരിച്ച കിടക്കയ്ക്കടിയിൽ സൂക്ഷിച്ച 10.5 ഗ്രാം കഞ്ചാവ് പോലീസ് കണ്ടെടുത്തു. പരിയാരം എസ്ഐ വൈശാഖ് മണിലാൽ, ഗ്രേഡ് എസ്ഐ വിനയൻ, ഗ്രേഡ് എഎസ്ഐ പി വി സുനേഷ്, സിപിഒ സിന്ധു, ഹോം ഗാർഡ് രാഘവൻ എന്നിവരുടെ നേതൃത്വത്തിലായിരുന്നു പരിശോധന.

പഴയങ്ങാടിയിൽ എംഡിഎംഎ പിടികൂടി

പഴയങ്ങാടിയിൽ 4.6 ഗ്രാം എംഡിഎംഎയുമായി കാറിൽ സഞ്ചരിക്കുകയായിരുന്ന രണ്ട് പേരെയാണ് പോലീസ് അറസ്റ്റ് ചെയ്തത്. സി ടി നൗഫൽ (47), എ സഹദ് മുഹമ്മദ് (28) എന്നിവരാണ് പിടിയിലായത്. വ്യാഴാഴ്ച വൈകുന്നേരം 5.30 ന് മൂസക്കാൻ പള്ളി ബസ് സ്റ്റോപ്പിന് സമീപത്ത് വെച്ചാണ് ഇവർ വലയിലായത്. 

കെ എൽ 13 എ ക്യു 5666 (KL-13 AQ 5666) നമ്പർ കാറിൽ യാത്ര ചെയ്യവെ ഡാൻസാഫ് സംഘവും പഴയങ്ങാടി പോലീസും ചേർന്നാണ് മാരക ലഹരിമരുന്നായ എംഡിഎംഎയുമായി ഇവരെ പിടികൂടിയത്. വരും ദിവസങ്ങളിലും കർശനമായ പരിശോധനകൾ തുടരുമെന്ന് പോലീസ് അറിയിച്ചു.

ഈ വാർത്തയെക്കുറിച്ചുള്ള നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക.

Article Summary: Under Kannur Rural Police's 'Operation Toofan' anti-drug drive, a 24-year-old was arrested in Pariyaram for selling 10.5 grams of ganja from his home, while two men from Ezhom were caught with 4.6 grams of MDMA in their car in Pazhayangadi by the DANSAF team and local police.

#OperationToofan #KannurPolice #KeralaPolice #DrugSeizure #MDMA #MalayalamNews