അജിത്ത് ബാബുവിൻ്റെ മരണത്തിലെ ദുരൂഹത നീക്കണം; കുറ്റക്കാരെ കണ്ടെത്തണമെന്ന് ആവശ്യപ്പെട്ട് ആക്ഷൻ കമ്മിറ്റി

പയ്യന്നൂർ: (KVARTHA) വെള്ളൂർ കിഴക്കുമ്പാട്ടെ ഒ അജിത്ത് ബാബുവിൻ്റെ മരണത്തിലെ ദുരൂഹത നീക്കണമെന്നും മരണത്തിന് കാരണക്കാരായവരെ നിയമത്തിന് മുന്നിൽ കൊണ്ടുവരണമെന്നും നാട്ടുകാരുടെ യോഗം ആവശ്യപ്പെട്ടു. കിഴക്കുമ്പാട് നടന്ന യോഗത്തിലാണ് അധികൃതരോട് ഈ ആവശ്യമുന്നയിച്ചത്.

മർദനമേറ്റതായി ആരോപണം

മരണത്തിന് തൊട്ടുമുമ്പുള്ള ദിവസങ്ങളിൽ അജിത്ത് ബാബുവിന് മർദനമേൽക്കുകയും തുടർഭീഷണികൾ ഉണ്ടായതായും പറയുന്നു. മെയ് 29-നാണ് അജിത്ത് ബാബുവിനെ മരിച്ച നിലയിൽ കണ്ടെത്തിയത്. കിഴക്കുമ്പാട് നാഗത്തിൻ മൂല അണക്കെട്ടിന് സമീപമായിരുന്നു മൃതദേഹം ഉണ്ടായിരുന്നത്. 

നാട്ടുകാർ വിവരമറിയിച്ചതിനെ തുടർന്ന് പെരിങ്ങോം പോലീസ് സ്ഥലത്തെത്തുകയും ഇൻക്വസ്റ്റ് നടപടികൾ പൂർത്തിയാക്കുകയും ചെയ്തിരുന്നു. അജിത്ത് ബാബുവിൻ്റെ മരണത്തോടെ ഭാര്യയും രണ്ട് കൊച്ചുകുട്ടികളും അടങ്ങുന്ന കുടുംബം ദുരിതത്തിലായിരിക്കുകയാണ്. ഇദ്ദേഹത്തെ മരണത്തിലേക്ക് തള്ളിവിട്ടതിന് ഉത്തരവാദികളായവരെ കണ്ടെത്തി നിയമത്തിന് മുന്നിൽ കൊണ്ടുവരണമെന്ന് യോഗം ആവശ്യപ്പെട്ടു.

ആക്ഷൻ കമ്മിറ്റി രൂപീകരിച്ചു

യോഗത്തിൽ മുൻ എംഎൽഎ സി കൃഷ്ണൻ, കെ വി സുധാകരൻ, നഗരസഭാ കൗൺസിലർ സി ചന്ദ്രൻ മാസ്റ്റർ, എം നാരായണൻ, കെ വി ഭാസ്കരൻ, എം സുബീഷ്, ഇ നന്ദകുമാർ, പി പ്രശാന്തൻ, കീനേരി ഭാസ്കരൻ, ടി പി സാജൻ, പി പി സുധാകരൻ, ഷിജു കെ എന്നിവർ സംസാരിച്ചു. പ്രശ്നത്തിൽ ഇടപെടുന്നതിനായി വാർഡ് കൗൺസിലർ സി ചന്ദ്രൻ മാസ്റ്റർ ചെയർമാനും എൻ രാജേഷ് കൺവീനറുമായി ആക്ഷൻ കമ്മിറ്റി രൂപീകരിച്ചു.

ഈ വാർത്ത സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പ്രാദേശിക വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Locals in Vellur Kizhakkumbad formed an action committee demanding a probe into the mysterious death of O Ajith Babu, who was found dead near the Nagathin Moola dam on May 29 after allegedly facing physical assault and threats.

#AjithBabu #PayyanurNews #ActionCommittee #KeralaNews #MalayalamNews #JusticeForAjithBabu #AmmuNews