നിധിൻ രാജിന്റെ മരണം; ലോൺ ആപ്പ് കേസിലെ മുഖ്യപ്രതി ഡൽഹിയിൽ ക്രൈംബ്രാഞ്ചിൻ്റെ പിടിയിൽ

കണ്ണൂർ: (KVARTHA) അഞ്ചരക്കണ്ടി ദന്തൽ കോളജ് വിദ്യാർഥി നിതിൻ രാജിൻ്റെ മരണവുമായി ബന്ധപ്പെട്ട ലോൺ ആപ്പ് കേസിലെ മുഖ്യപ്രതിയെ കണ്ണൂർ ക്രൈംബ്രാഞ്ച് അറസ്റ്റ് ചെയ്തു. സൗരവ് കുമാർ (22) ആണ് പോലീസിൻ്റെ പിടിയിലായത്. ഡൽഹിയിൽ വെച്ച് ക്രൈംബ്രാഞ്ച് ഇൻസ്പെക്ടർ ശ്രീജിത്ത് കോടേരിയുടെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.

കേസിൽ നാല് പേർ പിടിയിൽ

ഈ കേസുമായി ബന്ധപ്പെട്ട് മൂന്ന് പേരെ പോലീസ് നേരത്തെ അറസ്റ്റ് ചെയ്തിരുന്നു. ജയ് പ്രകാശ്, പ്രശാന്ത് കേവൽ, ഋഷികേശ് തിവാരി എന്നിവരാണ് മുൻപ് പിടിയിലായത്. ലോൺ ആപ്പ് തട്ടിപ്പിലെ മുഖ്യപ്രതിയായ സൗരവ് കുമാർ കൂടി പിടിയിലായതോടെ ഈ കേസിൽ അറസ്റ്റിലായവരുടെ എണ്ണം നാലായി.

അന്വേഷണം ഊർജ്ജിതം

കണ്ണൂർ ക്രൈംബ്രാഞ്ച് എസ്പി പി ബാലകൃഷ്ണൻ നായരുടെ മേൽനോട്ടത്തിൽ ഡിവൈഎസ്പി ജീവൻ ജോർജ് ആണ് ലോൺ ആപ്പ് കേസ് അന്വേഷിക്കുന്നത്. ഡൽഹിയിൽ വെച്ച് മുഖ്യപ്രതിയെ പിടികൂടിയ പോലീസ് സംഘത്തിൽ എസ്ഐ മധുസൂദനൻ, എഎസ്ഐ പ്രമോദ് പി. പി. എന്നിവരും ഉൾപ്പെട്ടിരുന്നു. വിദ്യാർഥിയുടെ മരണത്തിലേക്ക് നയിച്ച ലോൺ ആപ്പ് സംഘത്തിൻ്റെ കൂടുതൽ വിവരങ്ങൾ പ്രതിയെ ചോദ്യം ചെയ്യുന്നതിലൂടെ പുറത്തുവരുമെന്നാണ് അന്വേഷണ സംഘം വിലയിരുത്തുന്നത്.

ഈ വാർത്ത സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: Kannur Crime Branch arrested the prime accused, Saurav Kumar from Noida, in Delhi in connection with the loan app case linked to the death of Anjarakandy Dental College student Nidhin Raj.

#NidhinRajCase #LoanAppFraud #KannurCrimeBranch #KeralaPolice #MalayalamNews #KeralaNews #AmmuNews