നിതിൻ രാജിൻ്റെ മരണം; അധ്യാപകൻ ഡോ. എം കെ റാമിനെ അറസ്റ്റ് ചെയ്യാൻ നീക്കം ശക്തമാക്കി പൊലീസ്

കണ്ണൂർ: (KVARTHA) അഞ്ചരക്കണ്ടി സ്വാശ്രയ ഡെൻ്റൽ കോളേജ് ഒന്നാംവർഷ ബിഡിഎസ് വിദ്യാർഥി ആർ എൽ നിതിൻ രാജിൻ്റെ മരണത്തിൽ ആത്മഹത്യാ പ്രേരണാക്കുറ്റം നേരിടുന്ന അധ്യാപകൻ ഡോ. എം കെ റാമിൻ്റെ മുൻകൂർ ജാമ്യാപേക്ഷ ഹൈക്കോടതി തള്ളി. 

നേരത്തെ തലശേരി അഡീഷണൽ സെഷൻസ് കോടതിയും ഇദ്ദേഹത്തിൻ്റെ ജാമ്യാപേക്ഷ തള്ളിയിരുന്നു. ഇതോടെ, പ്രതിയെ അറസ്റ്റ് ചെയ്യാനുള്ള നീക്കങ്ങൾ പ്രത്യേക അന്വേഷണ സംഘം ഊർജിതമാക്കിയിട്ടുണ്ട്.

അന്വേഷണം കേരളത്തിന് പുറത്തേക്കും

സംഭവം നടന്ന് 70 ദിവസം പിന്നിട്ടിട്ടും മുഖ്യപ്രതിയെ പിടികൂടാൻ കഴിയാത്തത് പൊലീസിന് വലിയ വെല്ലുവിളിയായിട്ടുണ്ട്. ഡോ. റാം സുപ്രീം കോടതിയെ സമീപിക്കാൻ സാധ്യതയുണ്ടെന്ന റിപ്പോർട്ടുകൾക്കിടയിലാണ് പൊലീസ് നീക്കം. പ്രതി ഒളിവിൽ കഴിയുന്നുവെന്നു സംശയിക്കുന്ന ആന്ധ്രപ്രദേശ് ഉൾപ്പെടെയുള്ള സംസ്ഥാനങ്ങളിൽ അന്വേഷണ സംഘം റെയ്ഡ് നടത്തിയിരുന്നുവെങ്കിലും കണ്ടെത്താനായില്ല. കേസിൽ 90 ദിവസത്തിനുള്ളിൽ കുറ്റപത്രം സമർപ്പിക്കേണ്ടതുകൊണ്ട് തന്നെ വരുന്ന 20 ദിവസങ്ങൾ അന്വേഷണ സംഘത്തിന് നിർണായകമാണ്.

പീഡനം നേരത്തെ വെളിപ്പെടുത്തിയിരുന്നു

കഴിഞ്ഞ ഏപ്രിൽ 10-നാണ് നിതിൻ രാജ് കോളേജ് കെട്ടിടത്തിൽ നിന്നും ചാടി ജീവനൊടുക്കിയത്. തന്നെ വകുപ്പ് മേധാവി ഡോ. എം കെ റാം നിരന്തരം മാനസികമായി പീഡിപ്പിക്കുന്നുണ്ടെന്ന് നിതിൻ മരണത്തിന് മുൻപ് തന്നെ കുടുംബത്തെ അറിയിച്ചിരുന്നു. 

സംഭവത്തിൽ ഡോ. എം കെ റാം, സംഗീത നമ്പ്യാർ എന്നിവരാണ് കേസിലെ പ്രതികൾ. നിതിൻ്റെ മരണത്തിന് പിന്നാലെ അധ്യാപകർക്കെതിരെ ഗുരുതര ആരോപണങ്ങളുമായി സഹപാഠികളും രംഗത്തെത്തിയിരുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾ അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: The Kerala High Court denied anticipatory bail to Dr. M K Ram, accused of abetment to suicide in dental student Nithin Raj's death, prompting the special investigation team to intensify efforts to arrest the absconding teacher.

#NithinRaj #JusticeForNithin #AnjarakandyDentalCollege #PoliceInvestigation #KeralaNews #MalayalamNews #KannurNews #AmmuNews