ദന്തൽ കോളജ് വിദ്യാർഥി നിതിൻ രാജിന്റെ മരണം അന്വേഷിക്കുന്ന പുതിയ ക്രൈംബ്രാഞ്ച് സംഘം കണ്ണൂരിലെത്തി; പ്രതി ഡോ. എം കെ റാമിനെ വീണ്ടും അറസ്റ്റ് ചെയ്യുമെന്ന് എസ്പി മോഹനചന്ദ്രൻ

കണ്ണൂർ: (KVARTHA) അഞ്ചരക്കണ്ടി ദന്തൽ കോളജിലെ ഒന്നാം വർഷ വിദ്യാർഥി നിതിൻ രാജിന്റെ മരണം അന്വേഷിക്കുന്ന പുതിയ ക്രൈംബ്രാഞ്ച് സംഘം കണ്ണൂരിലെത്തി. ക്രൈംബ്രാഞ്ച് എസ്പി മോഹനചന്ദ്രന്റെ നേതൃത്വത്തിലാണ് കണ്ണൂരിലെത്തി ബുധനാഴ്ച (ജൂലൈ 22) രാവിലെ കൃത്യനിർവഹണം തുടങ്ങിയത്. ഡിവൈഎസ്പി ജീവൻ ജോർജിനാണ് അന്വേഷണ ചുമതലയെന്ന് എസ്പി മോഹനചന്ദ്രൻ മാധ്യമങ്ങളോട് പറഞ്ഞു.

പ്രതിയുടെ അറസ്റ്റ് ഉടനെയുണ്ടാകും

കേസിലെ ഒന്നാം പ്രതിയായ ഡോ. എം കെ റാമിന്റെ അറസ്റ്റ് ഉടനെയുണ്ടാകും. വീണ്ടും അറസ്റ്റ് ചെയ്യാനുള്ള അപേക്ഷ കോടതിയിൽ നൽകിയിട്ടുണ്ട്. കോടതി ഉത്തരവ് പ്രകാരം തുടർനടപടികൾ സ്വീകരിക്കും. നിതിൻ രാജിന്റെ കുടുംബത്തിന്റെ മൊഴി വീണ്ടും രേഖപ്പെടുത്തും. ഈ കാര്യത്തിൽ എന്തെങ്കിലും കാര്യങ്ങൾ വിട്ടുപോയോ എന്ന് പരിശോധിക്കും. നിതിൻ രാജിന്റെ മരണത്തിൽ ലോൺ ആപ്പുകാരുടെ ഇടപെടലുകളും പരിശോധിക്കും. അന്വേഷണത്തിലെ വീഴ്ചയിൽ കോടതിയിൽ മറുപടി നൽകിയെന്നും അദ്ദേഹം പറഞ്ഞു.

ശ്രദ്ധിക്കുക: സ്വയം ജീവനെടുക്കുന്നത് ഒരു പരിഹാരമല്ല. മാനസിക സമ്മർദ്ദമോ നിരാശയോ അനുഭവപ്പെടുന്നവർ സഹായം തേടണം. ദിശ ഹെൽപ്പ്‌ലൈൻ: 1056 / 0471-2552056 ടെലിമാനസ്: 14416

ഈ വാർത്ത നിങ്ങളുടെ സുഹൃത്തുക്കൾക്കും വാട്സ്ആപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമൻ്റായി രേഖപ്പെടുത്തുക.

Article Summary: New Crime Branch team in Kannur plans to re-arrest Dr. M.K. Ram in the Nithin Raj case.

#NithinRajCase #KeralaPolice #CrimeBranch #KannurNews #DrMKRam #LegalNews #AmmuNews