തൃശ്ശൂർ: (KVARTHA) മാളയിൽ കാണാതായ ആറ് വയസുകാരൻ മരിച്ചത് അയൽവാസിയായ യുവാവ് കുളത്തിൽ മുക്കിയതിനെ തുടർന്നാണെന്ന് പൊലീസ് ആരോപിക്കുന്നു. താനിശ്ശേരി സെൻ്റ് സേവ്യേഴ്‌സ് സ്‌കൂളിലെ യുകെജി വിദ്യാർത്ഥി ആബേൽ ആണ് മരിച്ചത്. സംഭവത്തിൽ പ്രദേശവാസിയായ ജോജോ (20) എന്നയാളെ പൊലീസ് അറസ്റ്റ് ചെയ്തിട്ടുണ്ട്.

കഴിഞ്ഞ ദിവസം വൈകീട്ട് 6.20 മുതലാണ് കുട്ടിയെ കാണാതായത്. കുട്ടിയുടെ വീടിന് സമീപമുള്ള സ്വർണ്ണപള്ള പാടശേഖരത്തിന് അടുത്തുള്ള റോഡിൽ നിന്നാണ് കുട്ടിയെ കാണാതായത്. നാട്ടുകാരും വീട്ടുകാരും ചേർന്ന് തിരച്ചിൽ നടത്തുന്നതിനിടെ, കുട്ടി കുളത്തിൽ ചാടുന്നത് കണ്ടുവെന്ന് പ്രതി പറഞ്ഞതായി പൊലീസ് പറയുന്നു. ഇതിനെ തുടർന്ന് നടത്തിയ പരിശോധനയിൽ കുളത്തിൽ നിന്ന് കുട്ടിയുടെ മൃതദേഹം കണ്ടെത്തി.

പൊലീസ് പറയുന്നതനുസരിച്ച്, ജോജോ കുട്ടിയെ പ്രകൃതിവിരുദ്ധ പീഡനത്തിന് ശ്രമിക്കുകയും കുട്ടി എതിർത്തതിനെ തുടർന്ന് കുളത്തിൽ മുക്കിക്കൊലപ്പെടുത്തുകയുമായിരുന്നു. ചോദ്യം ചെയ്യലിൽ ജോജോ കുട്ടിയെ കുളത്തിൽ തള്ളിയിട്ടതായി മൊഴി നൽകിയെന്നും പൊലീസ് അറിയിച്ചു. ജോജോ മുമ്പും മോഷണക്കേസിൽ പ്രതിയാണെന്നും പൊലീസ് കൂട്ടിച്ചേർത്തു.

കുട്ടിയുടെ വീട്ടിൽ നിന്ന് ഏകദേശം 100 മീറ്റർ അകലെയാണ് ഈ കുളം സ്ഥിതി ചെയ്യുന്നത്. ജോജോ കുളത്തിൻ്റെ കരയിലിരുന്ന് ചൂണ്ടയിടുകയായിരുന്നുവെന്നും കുട്ടിയെ പ്രലോഭിപ്പിച്ച് അവിടെക്ക് കൂട്ടിക്കൊണ്ടുപോയെന്നും പൊലീസ് സംശയിക്കുന്നു. പ്രകൃതിവിരുദ്ധ പീഡനത്തിന് ശ്രമിച്ചപ്പോൾ കുട്ടി എതിർക്കുകയും അമ്മയോട് പറയുമെന്ന് കരയുകയും ചെയ്തതിനാലാണ് കൊലപാതകം നടന്നതെന്നാണ് പൊലീസ് നിഗമനം.
നാട്ടുകാർ തിരച്ചിൽ നടത്തുമ്പോൾ ജോജോയും അവരോടൊപ്പം ഉണ്ടായിരുന്നതായും പെരുമാറ്റത്തിൽ സംശയം തോന്നിയതിനെ തുടർന്ന് ചോദ്യം ചെയ്തപ്പോഴാണ് കുട്ടി കുളത്തിൽ ചാടുന്നത് കണ്ടതായി പറഞ്ഞതെന്നും പൊലീസ് വെളിപ്പെടുത്തി. 

തുടർന്ന് നടത്തിയ തിരച്ചിലിലാണ് മൃതദേഹം കണ്ടെത്തിയത്. അപ്പോഴേക്കും മൂന്ന് മണിക്കൂറിലധികം സമയം കഴിഞ്ഞിരുന്നു. കുട്ടിയുടെ മൃതദേഹം പോസ്റ്റ്‌മോർട്ടത്തിനായി മാളയിലെ ആശുപത്രിയിലേക്ക് മാറ്റി. പ്രതിയെ ഇന്ന് തെളിവെടുപ്പിനായി സ്ഥലത്തെത്തിക്കുമെന്നും പൊലീസ് അറിയിച്ചു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.

A six-year-old boy, Abel, who went missing in Mala, Thrissur, was found dead, allegedly drowned by his neighbor, Jojo (20). Police accuse Jojo of attempted unnatural assault, leading to murder when the child resisted. Jojo has been arrested and reportedly confessed to pushing the child into the pond.

#MalaIncident #ChildDeath #NeighborArrested #PoliceAllegation #CrimeNews #Kerala