ബേക്കറിയിൽ നിന്ന് മധുരപലഹാരം കഴിച്ച യുവാവിന് മരണം; 5 പേർക്ക് ഭക്ഷ്യവിഷബാധ, കോടികളുടെ മായംചേർത്ത ഭക്ഷ്യവസ്തുക്കൾ പിടികൂടി
ADVERTISEMENT
● ചികിത്സയിലുള്ളവരിൽ ഒരാൾക്ക് ടൈഫോയ്ഡ് സ്ഥിരീകരിച്ചതായി വിവരമുണ്ട്.
● പരാതിയെത്തുടർന്ന് സാഗർ സ്വീറ്റ്സ് അടച്ചുപൂട്ടി സീൽ ചെയ്തു.
● ഇവിടെ നിന്നും 4.58 ലക്ഷം രൂപയുടെ ഭക്ഷ്യവസ്തുക്കൾ പിടിച്ചെടുത്തു.
● സംസ്ഥാന വ്യാപക പരിശോധനയിൽ 1.97 കോടി രൂപയുടെ മായംചേർത്ത വസ്തുക്കൾ പിടികൂടി.
മുംബൈ: (KVARTHA) ബേക്കറിയിൽ നിന്ന് വാങ്ങിയ മധുരപലഹാരം കഴിച്ചതിനു പിന്നാലെ മുംബൈയിൽ യുവാവ് മരിച്ചു. ഇതേ പലഹാരം കഴിച്ച മറ്റ് അഞ്ചുപേർ ശാരീരിക അസ്വസ്ഥതകളെ തുടർന്ന് ആശുപത്രികളിൽ ചികിത്സ തേടി. ഭക്ഷ്യവിഷബാധയെ തുടർന്നാണ് മരണമെന്നാണ് ആരോഗ്യവിഭാഗത്തിൻ്റെയും പൊലീസിൻ്റെയും പ്രാഥമിക നിഗമനം. മുംബൈയിലെ സാഗർ സ്വീറ്റ്സ് ആൻഡ് ബേക്കറി എന്ന സ്ഥാപനത്തിൽ നിന്ന് 'അഫ്ലാടുൺ' എന്ന പേരിലുള്ള മധുരപലഹാരം കഴിച്ചതിനു പിന്നാലെയാണ് സുബൈർ അൻസാരി (35) എന്ന യുവാവിന് ദേഹാസ്വാസ്ഥ്യം അനുഭവപ്പെട്ടത്.
തുടർന്ന് ആരോഗ്യനില വഷളാവുകയും, അവയവങ്ങളുടെ പ്രവർത്തനം തകരാറിലാവുകയും ചെയ്തതോടെ മരണം സംഭവിക്കുകയുമായിരുന്നു. ഇതേ പലഹാരം കഴിച്ച മറ്റുള്ളവർക്കും സമാനമായ ശാരീരിക അസ്വസ്ഥതകളാണ് അനുഭവപ്പെട്ടത്. ഛർദിയും വയറിളക്കവും അനുഭവപ്പെട്ട ഇവർ ആശുപത്രിയിൽ ചികിത്സ തേടുകയായിരുന്നു. ഇതിൽ ചികിത്സയിലുള്ള ഒരാൾക്ക് ടൈഫോയ്ഡ് സ്ഥിരീകരിച്ചതായാണ് വിവരം.
കട പൂട്ടി സീൽ ചെയ്തു
സംഭവത്തിൽ പരാതി ഉയർന്നതിനു പിന്നാലെ മധുരപലഹാരം വാങ്ങിയ സാഗർ സ്വീറ്റ്സ് ആൻഡ് ബേക്കറി അടച്ചുപൂട്ടി സീൽ ചെയ്തു. ഇവിടെയുണ്ടായിരുന്ന പലഹാരങ്ങളുടെ സാമ്പിളുകൾ വിദഗ്ധ പരിശോധനയ്ക്കായി ഉദ്യോഗസ്ഥർ ശേഖരിച്ചിട്ടുണ്ട്. സുബൈറിൻ്റെ പോസ്റ്റ്മോർട്ടം റിപ്പോർട്ട് ലഭിച്ചതിന് ശേഷമേ യഥാർഥ മരണകാരണം സ്ഥിരീകരിക്കാൻ കഴിയൂവെന്ന് പൊലീസ് വ്യക്തമാക്കി. ഇതിനുപുറമെ സാഗർ സ്വീറ്റ്സ് ആൻഡ് ബേക്കറിയിൽനിന്ന് 4.58 ലക്ഷം രൂപയിലധികം വിലവരുന്ന ഭക്ഷ്യവസ്തുക്കളും അധികൃതർ പിടിച്ചെടുത്തിട്ടുണ്ട്.
മഹാരാഷ്ട്രയിൽ പരിശോധന
യുവാവിൻ്റെ മരണത്തിന് പിന്നാലെ ഭക്ഷ്യസുരക്ഷാ വിഭാഗം സംസ്ഥാന വ്യാപകമായി പരിശോധനകൾ ആരംഭിച്ചു. മഹാരാഷ്ട്രയിൽ ആകമാനം മായം കലർന്നതും നിലവാരമില്ലാത്തതുമായ 1.97 കോടി രൂപയുടെ ഭക്ഷ്യവസ്തുക്കൾ ഭക്ഷ്യസുരക്ഷാ വിഭാഗം നടത്തിയ പരിശോധനയിൽ പിടിച്ചെടുത്തു. ക്രമക്കേട് കണ്ടെത്തിയതിനെ തുടർന്ന് സംസ്ഥാനത്തുടനീളം അഞ്ച് സ്ഥാപനങ്ങളുടെ പ്രവർത്തനം നിർത്തിവെപ്പിക്കുകയും, മുംബൈയിലും നാഗ്പൂരിലുമായി നാല് സ്ഥാപനങ്ങളുടെ ലൈസൻസ് സസ്പെൻഡ് ചെയ്യുകയും ചെയ്തു.
ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും പങ്കുവെക്കുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം
Article Summary: A 35-year-old man, Zubair Ansari, died and five others were hospitalized due to suspected food poisoning after consuming a sweet named 'Aflatoon' from Sagar Sweets and Bakery in Mumbai. One patient was diagnosed with typhoid. Authorities sealed the shop and seized food items worth Rs 4.58 lakh.
#Kvartha #MumbaiNews #FoodPoisoning #FoodSafetyMaharashtra #AdulteratedFood #MalayalamNews #SagarSweets #CrimeNews #FDAAction #AmmuNews
