Assault | സദാചാര പൊലീസ് ചമഞ്ഞ് യുവാവിനെ മർദിച്ചെന്ന കേസിൽ 7 പേർ റിമാൻഡിൽ

By Newsroom Delta Oct 24, 2024, 13:04 IST

Kasaragod youth assaulted by fake moral police, 7 arrested

Representational Image Generated by Meta AI

● കാസർകോട് സ്വദേശിയെയാണ് ആക്രമിച്ചത്.
● ഗൂഗിൾ പേയിൽ നിന്നും പണം തട്ടിയെടുത്തുവെന്നും പരാതി.
● ബൈക്ക് ചവിട്ടി താഴെ ഇട്ടതായും യുവാവ് പറയുന്നു.

തലശേരി: (KVARTHA) സദാചാര പൊലീസ് ചമഞ്ഞ് യുവാവിനെ മർദിച്ചെന്ന കേസിൽ ഏഴ് പേർ അറസ്റ്റിലായി. എം തസ്മീർ (36), കെ കെ അജ്നാസ് (27), ടി കെ ഷാനിർ (32), കെ കെ മുഹമ്മദ്‌ അഷ്‌കർ (30), കെ ഷബീർ (24), എ മുഹമ്മദ്‌ അസ്കർ (37), അഹമ്മദ് നിയാസ് (33) എന്നിവരെയാണ് ധർമടം പൊലീസ് അറസ്റ്റ് ചെയ്തത്. ഇവരെ കോടതി റിമാൻഡ് ചെയ്തു.

കാസർകോട് സ്വദേശി റോബിൻ തോമസിൻ്റെ പരാതിയിലാണ് അറസ്റ്റ്. കഴിഞ്ഞ 12 ന് പുലർച്ചെ കാസർകോട് നിന്നും കൊയിലാണ്ടിയിലേക്ക് പോകുന്നതിനിടെ സുഹൃത്തിനെ കൂട്ടാൻ ധർമടം കിഴക്കെ പാലയാട് ഭാഗത്ത് എത്തിയ റോബിനെ പ്രതികൾ മർദ്ദിക്കുകയായിരുന്നുവെന്നാണ് കേസ്.

ഗൂഗിൾ പേയിൽ നിന്നും പണം അയപ്പിക്കുകയും ബൈക്ക് ചവിട്ടി താഴെ ഇടുകയും ചെയ്തതായും പരാതിയുണ്ട്. ധർമടം എസ്ഐ ജെ. സജിം, സിവിൽ പൊലീസ് ഓഫീസർമാരായ നിമിഷ, ഹരിനാഥ്, ജിജിൽ എന്നിവരടങ്ങിയ സംഘമാണ് പ്രതികളെ അറസ്റ്റ് ചെയ്തത്.

#moralpolice #assault #arrest #kasaragod #kerala #justice #crime #law

ഇവിടെ വായനക്കാർക്ക് അഭിപ്രായങ്ങൾ രേഖപ്പെടുത്താം. സ്വതന്ത്രമായ ചിന്തയും അഭിപ്രായ പ്രകടനവും പ്രോത്സാഹിപ്പിക്കുന്നു. എന്നാൽ ഇവ കെവാർത്തയുടെ അഭിപ്രായങ്ങളായി കണക്കാക്കരുത്. അധിക്ഷേപങ്ങളും വിദ്വേഷ - അശ്ലീല പരാമർശങ്ങളും പാടുള്ളതല്ല. ലംഘിക്കുന്നവർക്ക് ശക്തമായ നിയമനടപടി നേരിടേണ്ടി വന്നേക്കാം.

Assault | സദാചാര പൊലീസ് ചമഞ്ഞ് യുവാവിനെ മർദിച്ചെന്ന കേസിൽ 7 പേർ റിമാൻഡിൽ

Tags

Share this story

Featured

Recommended