കുരങ്ങൻമാരുടെ 'വീട്ടുഭരണം': അതിക്രമത്തിൽ പൊറുതിമുട്ടി മൊറാഴ കാനൂൽ ഗ്രാമത്തിലെ കുടുംബങ്ങൾ

ധർമ്മശാല: (KVARTHA) മൊറാഴയിൽ കുരങ്ങുശല്യം കാരണം പൊറുതിമുട്ടി നാട്ടുകാർ. കാനൂൽ ഉടുപ്പ പ്രദേശത്താണ് കുരങ്ങുകൾ കൂട്ടമായി എത്തി വീടുകൾക്ക് നേരെ അക്രമം നടത്തുന്നത്. വീട്ടിനകത്തും പുറത്തും ജീവിക്കാൻ പറ്റാത്ത അവസ്ഥയാണെന്ന് നാട്ടുകാർ പറയുന്നു.

വീട്ടിനകത്ത് കയറി അഴിഞ്ഞാട്ടം 

കഴിഞ്ഞ ദിവസം ഉടുപ്പ പ്രദേശത്തെ ഒരു പെയിന്റിംഗ് തൊഴിലാളിയുടെ വീട്ടിനകത്ത് കയറിയ കുരങ്ങൻ വീട്ടിലെ ഉപകരണങ്ങളും ഭക്ഷണ സാധനങ്ങളും വസ്ത്രങ്ങളും അടക്കം സർവ്വതും നശിപ്പിച്ചു. സമീപത്തെ മറ്റ് വീടുകളിലും സമാനമായ സംഭവങ്ങൾ ഉണ്ടായിട്ടുണ്ട്.

ഭീതിയിൽ കുടുംബങ്ങൾ 

പിഞ്ചു കുട്ടികൾ ഉൾപ്പെടെ വീട്ടിനകത്ത് ഉള്ളപ്പോഴായിരുന്നു കുരങ്ങൻമാരുടെ പരാക്രമം. അക്രമം നിത്യസംഭവമാകുന്നതോടെ ഭീതിയിലാണ് കുടുംബങ്ങൾ കഴിയുന്നത്. മുതിർന്നവർ ജോലിക്കും മറ്റും പോകുമ്പോൾ വീടുകളിൽ തനിച്ചാകുന്ന കുട്ടികളുടെ സുരക്ഷയിലും ആശങ്കയുണ്ട്.

കൃഷിയും നശിപ്പിക്കുന്നു 

വീടുകളിലെ അക്രമത്തിന് പുറമെ കൃഷി ഉൾപ്പടെ നശിപ്പിക്കുന്നതും ഇപ്പോൾ പതിവായിരിക്കുകയാണ്. കാർഷിക വിളകൾ നശിപ്പിക്കുന്നത് കർഷകർക്ക് വലിയ സാമ്പത്തിക നഷ്ടമാണ് ഉണ്ടാക്കുന്നത്. രൂക്ഷമായ കുരങ്ങുശല്യത്തിൽ നിന്ന് ശാശ്വത പരിഹാരം വേണമെന്നാണ് നാട്ടുകാരുടെ ആവശ്യം.

പുതിയ വാർത്തകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. ഈ വാർത്ത സുഹൃത്തുക്കൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: Residents of Kanul Uduppa in Morazha, Kannur, are facing severe distress due to an increasing monkey menace. The animals enter houses, destroy belongings, and cause significant crop damage, leaving families, especially children, in constant fear. Locals have demanded urgent intervention from the forest department.

#MonkeyMenace #Morazha #KannurNews #AnimalAttack #KeralaForestDepartment #VillageLife #SafetyAlert #CropDamage #MorazhaKanul