Financial Fraud | മുഹമ്മദ് അസ്ഹറുദ്ദീന് ഇ ഡി സമൻസ്; ഹൈദരാബാദ് ക്രിക്കറ്റ് അസോസിയേഷനിൽ ഫണ്ട് തിരിമറി ആരോപണം
ADVERTISEMENT
● കേസുമായി ബന്ധപ്പെട്ട് ഇ.ഡി മുഹമ്മദ് അസ്ഹറുദ്ദീനെ വിളിപ്പിക്കുന്നത് ഇതാദ്യമായാണ്.
● ഹൈദരാബാദ് ക്രിക്കറ്റ് അസോസിയേഷനില് 20 കോടി രൂപയുടെ തിരിമറി നടത്തിയെന്നുമാണ് അദ്ദേഹത്തിനെതിരായ ആരോപണം.
മുംബൈ: (KVARTHA) കള്ളപ്പണം വെളുപ്പിക്കൽ ആരോപണത്തിൽ മുൻ ഇന്ത്യൻ ക്രിക്കറ്റ് താരവും രാഷ്ട്രീയ നേതാവുമായ മുഹമ്മദ് അസ്ഹറുദ്ദീന് എൻഫോഴ്സ്മെന്റ് ഡയറക്ടറേറ്റ് (ഇ.ഡി) സമൻസ് നൽകി. ഹൈദരാബാദ് ക്രിക്കറ്റ് അസോസിയേഷനുമായി ബന്ധപ്പെട്ട ധനമാർഗ്ഗ ക്രമക്കേട് ആരോപണത്തിന്റെ അടിസ്ഥാനത്തിലാണ് ഈ നടപടി.
ഹൈദരാബാദ് ക്രിക്കറ്റ് അസോസിയേഷന്റെ മുൻ പ്രസിഡന്റായിരുന്ന അസ്ഹറുദ്ദീൻ ഫണ്ട് തിരിമറി നടത്തിയെന്ന ആരോപണമാണ് ഇ.ഡി അന്വേഷിക്കുന്നത്. കേസുമായി ബന്ധപ്പെട്ട് ഇ.ഡി മുഹമ്മദ് അസ്ഹറുദ്ദീനെ വിളിപ്പിക്കുന്നത് ഇതാദ്യമായാണ്.
രാജീവ് ഗാന്ധി സ്റ്റേഡിയത്തിനായി ഡീസൽ ജനറേറ്ററുകളും അഗ്നിരക്ഷാ സംവിധാനങ്ങളും വാങ്ങുന്നതിൽ അഴിമതി നടന്നുവെന്നും ഹൈദരാബാദ് ക്രിക്കറ്റ് അസോസിയേഷനില് 20 കോടി രൂപയുടെ തിരിമറി നടത്തിയെന്നുമാണ് അദ്ദേഹത്തിനെതിരായ ആരോപണം.
#Azharuddin #ED #Cricket #Corruption #FundMisappropriation #India
