ബംഗളൂരിൽ നിന്നുള്ള ലഹരിക്കടത്ത് പിടികൂടി; ആറ് ഗ്രാം എംഡിഎംഎയുമായി യുവാവ് അറസ്റ്റിൽ

ഇരിട്ടി: (KVARTHA) മാരക ലഹരി മരുന്നായ ആറ് ഗ്രാം എംഡിഎംഎയുമായി യുവാവിനെ പോലീസും ഡാൻസാഫ് സ്ക്വാഡും ചേർന്ന് പിടികൂടി. ബംഗളൂരുവിൽ നിന്ന് ബൈക്കിൽ കടത്തുകയായിരുന്ന മയക്കുമരുന്നാണ് കൂട്ടുപുഴയിൽ വെച്ച് നടത്തിയ പരിശോധനയിൽ പിടിച്ചെടുത്തത്. ആൽവിൻ (19) എന്നയാളെയാണ് ഇരിട്ടി എസ്.ഐ. കെ. ഷറഫുദീനും സംഘവും റൂറൽ പോലീസ് മേധാവിയുടെ ഡാൻസാഫ് സ്ക്വാഡും ചേർന്ന് അറസ്റ്റ് ചെയ്തത്.

ബൈക്ക് ഉപയോഗിച്ച് ലഹരി വസ്തുക്കൾ കടത്തുന്നുവെന്ന രഹസ്യ വിവരത്തിൻ്റെ അടിസ്ഥാനത്തിലാണ് പോലീസ് സംഘം കൂട്ടുപുഴ ചെക്ക് പോസ്റ്റിൽ പരിശോധന ശക്തമാക്കിയത്. യുവാവിൻ്റെ കൈവശമുണ്ടായിരുന്ന മാരക ലഹരി മരുന്ന് എംഡിഎംഎ കണ്ടെടുത്തതിനെ തുടർന്ന് ഇയാളെ അറസ്റ്റ് ചെയ്യുകയായിരുന്നുവെന്ന് പോലീസ് വ്യക്തമാക്കി.

അതേസമയം, മയക്കുമരുന്ന് കടത്താനായി ഉപയോഗിച്ച ബൈക്ക് പോലീസ് കസ്റ്റഡിയിലെടുത്തിട്ടുണ്ട്. മയക്കുമരുന്ന് വിൽപ്പനയുടെ ശൃംഖലയെക്കുറിച്ച് കൂടുതൽ വിവരങ്ങൾ ശേഖരിക്കാനായി പോലീസ് ആൽവിനെ വിശദമായി ചോദ്യം ചെയ്തുവരികയാണ്. തുടർനടപടികൾക്കായി യുവാവിനെ കോടതിയിൽ ഹാജരാക്കുമെന്ന് പോലീസ് അറിയിച്ചു.

പോലീസ് സംഘത്തിൽ ഡാൻസാഫ് സ്ക്വാഡ് അംഗങ്ങളായ നിഷാദ്, ജിജിമോൻ, ഷൗക്കത്ത്, അനൂപ് എന്നിവരും സീനിയർ സിവിൽ പോലീസ് ഷിഹാബുദീൻ, സിവിൽ പോലീസ് ഓഫീസർ നിസാമുദ്ധീൻ എന്നിവരും പങ്കെടുത്തു.

അതിർത്തി ചെക്ക് പോസ്റ്റുകളിലെ പരിശോധനയെക്കുറിച്ച് നിങ്ങളുടെ അഭിപ്രായം കമൻ്റ് ചെയ്യുക.

Article Summary: Youth arrested with 6 grams of MDMA smuggled on a bike from Bengaluru.

#MDMA #DrugSmuggling #KeralaPolice #Dansaf #YouthArrest #Kuttupuzha