കണ്ണൂർ: (KVARTHA) ഇരിട്ടിയിൽ മാരക രാസലഹരി മരുന്നായ എം.ഡി.എം.എ. വിൽപന നടത്തിയ മൂന്ന് യുവാക്കളെ എക്സൈസ് പിടികൂടി. ഇരിട്ടി എക്സൈസ് ഇൻസ്പെക്ടർ അജീബ് ലബ്ബയുടെ നേതൃത്വത്തിൽ ആനപ്പന്തി ഭാഗത്ത് നടത്തിയ പരിശോധനയിലാണ് പ്രണവ് പ്രഭാതൻ, അബിൻ റോയ് എന്നിവർ 1.612 ഗ്രാം എം.ഡി.എം.എ.യുമായി പിടിയിലായത്. ഇവർ സഞ്ചരിച്ചിരുന്ന യമഹ ബൈക്കും കസ്റ്റഡിയിലെടുത്തു. അങ്ങാടിക്കടവ് ഡോൺ ബോസ്കോ കോളേജ് പരിസരം, അങ്ങാടിക്കടവ് ഹയർ സെക്കൻഡറി സ്കൂൾ പരിസരം എന്നിവ കേന്ദ്രീകരിച്ച് ലഹരിമരുന്ന് വിൽപന നടത്തുന്ന പ്രധാന കണ്ണികളാണ് ഇവരെന്ന് എക്സൈസ് അധികൃതർ പറയുന്നു.

എക്സൈസ് ഇൻ്റലിജൻസ് ബ്യൂറോയുടെ റിപ്പോർട്ടിൻ്റെ അടിസ്ഥാനത്തിൽ നടത്തിയ മറ്റൊരു റെയ്ഡിൽ ഇരിട്ടി സ്വദേശി കെ.എസ്. ഷമിലിനെ കിളിയന്തറയിൽ വെച്ച് 1.289 ഗ്രാം എം.ഡി.എം.എ.യുമായി അറസ്റ്റ് ചെയ്തു. ഇയാൾ മുൻപും എം.ഡി.എം.എ. കേസിൽ പിടിയിലായിട്ടുണ്ട്.

ഇരിട്ടി റെയിഞ്ച് എക്സൈസ് ഇൻസ്പെക്ടർ പ്രജീഷ് കുന്നുമ്മൽ, അസിസ്റ്റൻ്റ് എക്സൈസ് ഇൻസ്പെക്ടർ ഷാജി, പ്രിവൻ്റീവ് ഓഫീസർ സി.എം. ജെയിംസ്, എക്സൈസ് സൈബർ സെൽ കണ്ണൂർ പ്രിവൻ്റീവ് ഓഫീസർ (ഗ്രേഡ്) സനലേഷ്, പ്രിവൻ്റീവ് ഓഫീസർ (ഗ്രേഡ്) അനിൽകുമാർ, ഹണി സി., സിവിൽ എക്സൈസ് ഓഫീസർ നെൽസൺ ടി. തോമസ്, സന്ദീപ് ജി., അഖിൽ പി.ജി., രാഗിൽ കെ., സിവിൽ എക്സൈസ് ഓഫീസർ ഡ്രൈവർ ജോർജ് കെ.ടി. എന്നിവർ റെയ്ഡിൽ പങ്കെടുത്തു.

ഈ വാർത്ത ഷെയർ ചെയ്യൂ. നിങ്ങളുടെ അഭിപ്രായങ്ങൾ കമൻ്റായി രേഖപ്പെടുത്തൂ.

Three youths were arrested in Iritty, Kannur, for selling MDMA. Pranav Prabhathan, Abin Roy, and KS Shamil were caught with MDMA during separate raids conducted by the excise department. They were operating near educational institutions and were known drug peddlers.

#MDMA, #DrugArrest, #KannurCrime, #Iritty, #ExciseRaid, #KeralaDrugs