ഭാര്യയെ ബസ് സ്റ്റോപ്പിലിട്ട് കുത്തിക്കൊന്ന് ഭർത്താവ്; മകളും ആൾക്കൂട്ടവും ദൃക്‌സാക്ഷി
ADVERTISEMENT
● കൊല്ലപ്പെട്ട രേഖയുടെ ശരീരത്തിൽ 11 കുത്തുകളേറ്റു.
● മകളെച്ചൊല്ലിയുള്ള തർക്കമാണ് കൊലപാതകത്തിന് കാരണം.
● രേഖയ്ക്ക് അവിഹിത ബന്ധമുണ്ടെന്ന് ലോകേഷ് സംശയിച്ചിരുന്നു.
● ദമ്പതികൾ ഒന്നര വർഷം ലിവ്-ഇൻ ബന്ധത്തിലായിരുന്നു.
ബംഗളൂരു: (KVARTHA) സുങ്കതകട്ടെയിൽ വെച്ച് രണ്ടാം ഭാര്യയെ ഭർത്താവ് കുത്തിക്കൊന്നു. അവരുടെ മകളും ആൾക്കൂട്ടവും നോക്കി നിൽക്കെയാണ് ക്രൂരമായ കൊലപാതകം നടന്നത്. സംഭവത്തിനു ശേഷം പ്രതിയായ ലോകേഷ് (43) പൊലീസിന് കീഴടങ്ങി.
കൊല്ലപ്പെട്ട ഹാസൻ ചന്നരായപട്ടണം സ്വദേശി രേഖയുടെ (34) ശരീരത്തിൽ 11 കുത്തുകളേറ്റ മുറിവുകളുണ്ടെന്ന് പൊലീസ് അറിയിച്ചു. കൊലപാതക കുറ്റത്തിന് കേസെടുത്തിട്ടുണ്ടെന്ന് ബംഗളൂരു വെസ്റ്റ് ഡെപ്യൂട്ടി പൊലീസ് കമ്മീഷണർ എസ്. ഗിരീഷ് വ്യക്തമാക്കി.
സംഭവത്തെക്കുറിച്ച് കാമാക്ഷി പാളയം പൊലീസ് പറയുന്നത്:
വിവാഹമോചിതയും രണ്ട് പെൺമക്കളുടെ അമ്മയുമായ രേഖ അടുത്തിടെയാണ് ലോകേഷിനെ വിവാഹം കഴിച്ചത്. ഇത് ലോകേഷിന്റെയും രണ്ടാം വിവാഹമാണ്. സ്വകാര്യ കമ്പനി ജീവനക്കാരിയായ രേഖ ഇളയ മകളെ മാതാപിതാക്കളുടെ കൂടെയും മൂത്ത മകളെ കൂടെയും താമസിപ്പിച്ചിരുന്നു. എന്നാൽ മൂത്ത മകളെയും പറഞ്ഞയക്കണമെന്ന് ലോകേഷ് ആവശ്യപ്പെട്ടെങ്കിലും രേഖ അതിന് വിസമ്മതിക്കുകയായിരുന്നു.
കൂടാതെ രേഖക്ക് ജോലി സ്ഥലത്ത് അവിഹിത ബന്ധമുണ്ടെന്ന് ലോകേഷ് സംശയിച്ചിരുന്നതായും പൊലീസ് പറയുന്നു. ബംഗളൂരു സുങ്കതകട്ടെക്ക് സമീപം ബസ് സ്റ്റോപ്പിൽ രേഖ നിൽക്കുന്ന സമയത്ത് ലോകേഷ് മകളുടെ മുന്നിൽ വെച്ച് നെഞ്ചിലും ശരീരത്തിൻ്റെ മറ്റ് ഭാഗങ്ങളിലും 11 തവണ കുത്തുകയായിരുന്നു. അടുത്തുള്ള ആളുകൾ തടയാൻ ശ്രമിച്ചെങ്കിലും അവരെ ഭീഷണിപ്പെടുത്തി. പിന്നീട് അക്രമി കത്തി ആൾക്കൂട്ടത്തിന് നേരെ എറിഞ്ഞ് സ്ഥലത്ത് നിന്ന് ഓടി രക്ഷപ്പെട്ടു.
ടാക്സി ഡ്രൈവറായ ലോകേഷും രേഖയും ഒരേ കമ്പനിയിൽ ജോലി ചെയ്യുമ്പോഴാണ് സുഹൃത്തുക്കൾ വഴി കണ്ടുമുട്ടിയതെന്ന് പ്രാഥമിക അന്വേഷണത്തിൽ കണ്ടെത്തി. അടുത്തിടെ വിവാഹിതരാകാൻ തീരുമാനിക്കുന്നതിന് മുൻപ് അവർ ഒന്നര വർഷമായി ലിവ്-ഇൻ ബന്ധത്തിലായിരുന്നതായും പൊലീസ് പറയുന്നു.
ദമ്പതികൾ സുങ്കതകട്ടെയിൽ ഒരു വീട് വാടകക്കെടുത്ത് താമസിച്ചിരുന്നു. അവിടെ ലോകേഷ് രേഖയുടെ മൂത്ത മകളെച്ചൊല്ലി ഇടക്കിടെ വഴക്കുണ്ടാക്കിയിരുന്നു. വലിയ വഴക്കിനെ തുടർന്ന് രേഖ മകളുമായി വീട് വിട്ടതിൽ പ്രകോപിതനായ ലോകേഷ് പിന്തുടർന്ന് കൊലപാതകം ചെയ്യുകയായിരുന്നുവെന്നും പൊലീസ് അന്വേഷണത്തിൽ പറയുന്നു.
ഈ വിഷയത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെയ്ക്കൂ, നിങ്ങളുടെ സുഹൃത്തുക്കളുമായി ഈ വാർത്ത ഷെയർ ചെയ്യൂ.
Article Summary: Man stabs wife to death; daughter and public witness.#Bengaluru #CrimeNews #Murder #DomesticViolence #Police #Karnataka
