ഗാസിയാബാദ്: (KVARTHA) 'ആടുജീവിതത്തിന്റെ' മറ്റൊരു പതിപ്പാണ് യുപിയിൽ നിന്ന് പുറത്തുവരുന്നത്. 31 വർഷത്തെ നീണ്ട കാത്തിരിപ്പിന് ശേഷം, 'രാജു' എന്ന് വീട്ടുകാര്‍ വിളിച്ചിരുന്ന ഭീം സിങ് എന്ന യുവാവ് തന്റെ കുടുംബവുമായി വീണ്ടും ഒന്നിച്ചത് യുപിയിലെ ഗാസിയാബാദിൽ വലിയ ആശ്ചര്യവും സന്തോഷവും സൃഷ്ടിച്ചിരിക്കുകയാണ്. രക്ഷാപ്രവർത്തനവും പുനഃസമാഗമവും സിനിമയിലെ പോലെ ട്വിസ്റ്റുകൾ നിറഞ്ഞതായിരുന്നു. 

അജ്ഞാതനായ ഒരു ട്രക്ക് ഡ്രൈവർ ഈ രക്ഷാപ്രവർത്തനത്തിൽ നിർണായക പങ്ക് വഹിച്ചുവെന്നത് കൗതുകകരമായ വസ്തുതയാണ്. രാജുവിന്റെ തിരിച്ചുവരവ് കുടുംബത്തെ മാത്രമല്ല, പ്രദേശവാസികളെയെല്ലാം സന്തോഷത്തിന്റെ ഈറനണിയിച്ചു.

1993 ലെ കറുത്ത ദിനം 

1993-ൽ സ്‌കൂൾ വിട്ട് മടങ്ങുമ്പോഴാണ് കുട്ടിക്കാലത്ത് രാജുവിനെ തട്ടിക്കൊണ്ട് പോയത്. പിന്നീട് സങ്കൽപ്പിക്കാനാവാത്ത പീഡനങ്ങൾ സഹിച്ചു. വർഷങ്ങളോളം രാജസ്ഥാൻ മരുഭൂമിയിലെ ഒരു കുടിലിൽ തടവിലായിരുന്നു. ആടുകളെ മേയ്ക്കാനും പലതരം പീഡനങ്ങൾ സഹിക്കാനും നിർബന്ധിതനായി. 

എന്നാൽ, വിധിയുടെ വിചിത്രമായ കളിയിലൂടെ, ഒരു അജ്ഞാത ട്രക്ക് ഡ്രൈവർ രാജുവിന്റെ ജീവിതത്തിൽ ഒരു പ്രതീക്ഷയുടെ വെളിച്ചം കൊളുത്തിവച്ചു. രാജസ്ഥാനിലെ മരുഭൂമിയിൽ വച്ച് രാജുവിന്റെ ദുരിതപൂർണമായ അവസ്ഥ കണ്ട ഈ ഡ്രൈവർ, മനുഷ്യത്വം തുളുമ്പുന്ന ഒരു പ്രവൃത്തിയിലൂടെ രാജുവിനെ ചങ്ങലകളിൽ നിന്ന് മോചിപ്പിച്ച് ഗാസിയാബാദിലെ ഖോഡ പൊലീസ് സ്റ്റേഷനിൽ എത്തിച്ചു. 

#WATCH | Ghaziabad, UP: Bhim Singh reunited with his family after more than three decades.

Bhim Singh says, "When along with my sister, I was returning from school, some people kidnapped us and took us to Jaisalmer, Rajasthan...I used to rear sheep and goats in the… pic.twitter.com/2sGJQvIUoq

— ANI UP/Uttarakhand (@ANINewsUP) November 28, 2024

'ദൈവിക ഇടപെടൽ'

രാജുവിനെ തട്ടിക്കൊണ്ടുപോയതിനെക്കുറിച്ച് പൊലീസിൽ നേരത്തെ തന്നെ പരാതി നൽകിയിരുന്നു. ട്രക്ക് ഡ്രൈവർ തന്റെ പേരോ വിലാസമോ വെളിപ്പെടുത്താതെ, രാജുവിനെ കുടുംബത്തോടൊപ്പം ചേർക്കണമെന്ന ആവശ്യപ്പെട്ട് ഒരു കത്ത് മാത്രമാണ് പൊലീസിന് നൽകിയത്. രാജുവിന്റെ കുടുംബം ഈ സംഭവത്തെ ദൈവിക ഇടപെടലായി കാണുന്നു. 

അവർ വിശ്വസിക്കുന്നത്, രാജുവിന്റെ ദൈവമായ ബജ്‌റംഗ് ബലിയുടെ അനുഗ്രഹമാണ് ഇത് സാധ്യമാക്കിയതെന്നാണ്. 'ട്രക്ക് ഡ്രൈവർ എൻ്റെ സഹോദരനെ രക്ഷിക്കുക മാത്രമല്ല, ഞങ്ങളുടെ കുടുംബത്തിന് പ്രതീക്ഷ തിരികെ നൽകുകയും ചെയ്തു. അവൻ യഥാർത്ഥത്തിൽ ദൈവത്തിൻ്റെ ഒരു ദൂതനാണ്', രാജുവിന്റെ സഹോദരി പറഞ്ഞു. 31 വർഷത്തിന് ശേഷം തന്റെ കുടുംബത്തോടൊപ്പം ഒന്നിച്ചു ചേർന്ന രാജു ഇപ്പോൾ അവരുടെ സ്നേഹവും പരിചരണവും ആസ്വദിക്കുന്നു. 

ഗാസിയാബാദിലെ 'നജീബ്'

ഗാസിയാബാദിലെ രാജുവിന്റെ കഥയും ബെന്യാമിനും പൃഥ്വിരാജും അവതരിപ്പിച്ച ആടുജീവിതത്തിലെ നജീബിന്റെ അനുഭവങ്ങളും തമ്മിൽ അതിശയിപ്പിക്കുന്ന സമാനതകളുണ്ട്. രണ്ടുപേരും തങ്ങളുടെ ജീവിതത്തിലെ ഏറ്റവും പ്രധാനപ്പെട്ട വർഷങ്ങൾ അന്യദേശത്തെ ദുരിതത്തിൽ കഴിച്ചുകൂട്ടി. രാജുവിനെപ്പോലെ നജീബും അടിമത്തത്തിന്റെയും പീഡനത്തിന്റെയും ദുരിതങ്ങൾ അനുഭവിച്ചു. മരുഭൂമിയുടെ കാഠിന്യം രണ്ടുപേരുടെയും ജീവിതത്തെ ആഴത്തിൽ സ്വാധീനിച്ചു. ഒടുവിൽ ഇരുവർക്കും അത്ഭുത രക്ഷയും.

#reunion #missingperson #rajasthan #india #heartwarmingstory

थाना खोड़ा पर एक युवक पहुँचा और उसने अपना भीम सिंह बताया । उसके द्वारा बताया गया कि 30 वर्ष पूर्व थाना साहिबाबाद क्षेत्र से उसका अपहरण कर लिया गया था । थाना खोड़ा पुलिस द्वारा जानकारी की गई तो पता चला कि उक्त सम्बन्ध में 30 वर्ष पूर्व थाना साहिबाबाद पर अभियोग पंजीकृत हुआ था ।… pic.twitter.com/TEhXdhqEp0

— DCP TRANS HINDON COMMISSIONERATE GHAZIABAD (@DCPTHindonGZB) November 27, 2024