ബംഗളൂരു: (KVARTHA) പൊലീസ് ഉദ്യോഗസ്ഥനാണെന്ന് തെറ്റിദ്ധരിപ്പിച്ച് ആളുകളിൽ നിന്ന് പണം തട്ടിയ കേസിൽ 42 കാരനെ പൊലീസ് അറസ്റ്റ് ചെയ്തു. ആസിഫ് ഖാൻ എന്നയാളാണ് അറസ്റ്റിലായത്.

പൊലീസ് പറയുന്നത്: പാർക്കുകൾക്ക് സമീപം കാറുകളിൽ സ്വകാര്യ നിമിഷങ്ങൾ ചെലവഴിക്കുന്നവരെ ഭീഷണിപ്പെടുത്തി പണം തട്ടുകയായിരുന്നു ഇയാളുടെ രീതി. കാക്കി വസ്ത്രം ധരിച്ച് ബൈക്കിലെത്തി, പൊതുസ്ഥലത്ത് മോശമായി പെരുമാറിയതിന് കേസെടുക്കുമെന്ന് ഭീഷണിപ്പെടുത്തിയാണ് ഇയാൾ പണം തട്ടിയെടുത്തിരുന്നത്.

പൊലീസിന്റെ പേരിൽ തട്ടിപ്പ് നടക്കുന്നതായി നിരവധി പരാതികൾ ലഭിച്ചതിനെത്തുടർന്ന് ജയനഗർ പൊലീസ് നടത്തിയ അന്വേഷണത്തിലാണ് ആസിഫ് ഖാൻ പിടിയിലായത്. പത്താം ക്ലാസിൽ തോറ്റ ശേഷം പഠനം നിർത്തി ഓട്ടോറിക്ഷ ഡ്രൈവറായി ജോലി ചെയ്യുകയായിരുന്നു ഇയാൾ. ഇയാൾക്കെതിരെ നിരവധി പരാതികളുണ്ട്. 15 വർഷത്തിനിടെ പലതവണ തട്ടിപ്പ് നടത്തിയ ആസിഫ് ഖാനെതിരെ 19 പേർ പരാതി നൽകിയിട്ടുണ്ട്. 2018-ൽ ഇയാൾ അറസ്റ്റിലായിരുന്നു.

പൊതു പാർക്കുകൾക്ക് സമീപവും റോഡരികിലെ മറ്റ് സ്ഥലങ്ങളിലും വാഹനങ്ങളിൽ പങ്കാളികൾക്കൊപ്പം ഇരിക്കുന്നവരെയാണ് ആസിഫ് ഖാൻ ലക്ഷ്യമിട്ടിരുന്നത്. ഇവരുടെ അടുത്ത് എത്തി പൊലീസുകാരനാണെന്ന് തെറ്റിദ്ധരിപ്പിച്ച്, പൊതുസ്ഥലത്ത് അശ്ലീല പ്രവൃത്തികളിൽ ഏർപ്പെട്ടതിന് നടപടിയെടുക്കുമെന്ന് ഭീഷണിപ്പെടുത്തി പണം തട്ടിയെടുക്കുകയായിരുന്നു ഇയാളുടെ രീതി.

ഈ മാസം അഞ്ചിന് ജയനഗർ ആർ.വി. മെട്രോ സ്റ്റേഷന് സമീപം തന്റെ സഹപ്രവർത്തകയ്ക്കൊപ്പം കാറിലിരിക്കുകയായിരുന്ന സ്വകാര്യ കമ്പനി ജീവനക്കാരനെ ഇയാൾ ഭീഷണിപ്പെടുത്തിയിരുന്നു. ബൈക്കിലെത്തി ഭീഷണിപ്പെടുത്തുകയും കാറിലുണ്ടായിരുന്ന 41-കാരനെ ബൈക്കിൽ കയറ്റിക്കൊണ്ടുപോവുകയും ചെയ്തു. പിന്നീട് വിജനമായ സ്ഥലത്തെത്തി അയാളുടെ 12 ഗ്രാം സ്വർണ മാലയും അഞ്ച് ഗ്രാം മോതിരവും തട്ടിയെടുത്തു. പിന്നീട് ഇയാളെ എ.ടി.എമ്മിൽ കൊണ്ടുപോയി 10,000 രൂപ പിൻവലിപ്പിച്ച് വാങ്ങുകയും ചെയ്തു. അന്ന് രാത്രി തന്നെ ഈ യുവാവ് പൊലീസിൽ പരാതി നൽകി. ഒമ്പതിന് സമാന രീതിയിൽ മറ്റൊരു യുവാവിനെയും യുവതിയെയും ഭീഷണിപ്പെടുത്തി പണം വാങ്ങി. ആകെ 80 ഗ്രാം സ്വർണം ഇയാളിൽ നിന്ന് പിടിച്ചെടുത്തിട്ടുണ്ട്. തട്ടിയെടുത്ത കൂടുതൽ പണം കണ്ടെത്താൻ ശ്രമം നടക്കുകയാണ്.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക. 

A 42-year-old man, Asif Khan, has been arrested in Bangalore for posing as a police officer and extorting money from people. His modus operandi involved threatening couples in cars near parks, accusing them of indecent behavior in public. He would wear a khaki uniform, arrive on a bike, and extort money and valuables. Police investigation led to his arrest after multiple complaints. He has 19 complaints against him for similar offenses over the past 15 years.

#PoliceImpersonation #Extortion #BangaloreCrime #Arrest #Fraud #JayanagarPolice