ചെന്നൈ: (KVARTHA) ചെന്നൈ ടി നഗറിലെ ഹോട്ടൽ മുറിയിൽ വച്ച് മലയാളി യുവനടിയെ കടന്നുപിടിക്കാൻ ശ്രമിച്ചെന്ന പരാതിയിൽ ജീവനക്കാരനെ പൊലീസ് കസ്‌റ്റഡിയിലെടുത്തു. നാഗപട്ടണം സ്വദേശിയായ സയ്യിദ് അഫ്രീദിയെയാണ് പിടികൂടിയത്. സിനിമ ഷൂട്ടിങ്ങുമായി ബന്ധപ്പെട്ടാണ് നടി ചെന്നൈയിലെത്തിയത്.

ഫോൺ നന്നാക്കാനെത്തി

മുറിയിലെ ഫോൺ കേടായത് റിസപ്ഷനിൽ അറിയിച്ചപ്പോഴാണ് ജീവനക്കാരൻ മുറിയിലെത്തിയത്. ഈ സമയം നടി മാത്രമാണ് മുറിയിൽ ഉണ്ടായിരുന്നത്. ജീവനക്കാരൻ തന്നെ സ്‌പർശിക്കാൻ ശ്രമിച്ചെന്നും പുറത്തു പോകാൻ ആവശ്യപ്പെട്ടിട്ടും മുറിയിൽ തുടർന്നെന്നും നടി പൊലീസിനു നൽകിയ പരാതിയിൽ പറയുന്നു. നടി ബഹളം വച്ചതോടെ ഇയാൾ മുറിയിൽനിന്ന് ഇറങ്ങിയോടി.

ആരോപണം നിഷേധിച്ച് യുവാവ്

ഹോട്ടലിലെ സിസിടിവി അടക്കമുള്ള തെളിവുകൾ പരിശോധിച്ചാണ് ജീവനക്കാരനെ കസ്‌റ്റഡിയിലെടുത്തത്. എന്നാൽ പൊലീസ് ചോദ്യം ചെയ്യലിൽ യുവാവ് ആരോപണം നിഷേധിച്ചു. മുറിയിൽ ഭക്ഷണത്തിന്റെ ഓർഡർ എടുക്കാനാണു പോയതെന്നാണ് ഇയാൾ മൊഴി നൽകിയത്. ഹോട്ടലിൽ പാർട്ട് ടൈം ആയി ജോലി ചെയ്യുകയാണ് ഇയാൾ.

ചെന്നൈയിൽ മലയാളി നടിക്ക് നേരെയുണ്ടായ അതിക്രമശ്രമത്തില്‍ ഹോട്ടൽ ജീവനക്കാരൻ പിടിയിലായ വാർത്ത ഷെയർ ചെയ്യൂ. കൂടുതൽ വാര്‍ത്തകള്‍ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യൂ.

Article Summary: Hotel employee taken into custody in Chennai for attempting to assault a Malayali actress. The incident happened at a hotel in T Nagar.

#ChennaiNews #ActressAttack #KeralaNews #TNagar #PoliceCase #WomensSafety #CrimeReport