വിദ്യാർഥിനിയുടെ കൈ തല്ലിയൊടിച്ച സംഭവം; അധ്യാപകന് സസ്പെൻഷൻ

മലപ്പുറം: (KVARTHA) മലപ്പുറം കൽപകഞ്ചേരിയിൽ വിദ്യാർഥിനിയുടെ കൈ തല്ലിയൊടിച്ച സംഭവത്തിൽ അധ്യാപകനെ സസ്പെൻഡ് ചെയ്തു. ബൽരാജിനെതിരെയാണ് നടപടി. കുട്ടിയുടെ രക്ഷിതാക്കൾ നൽകിയ പരാതിയിലാണ് സ്കൂൾ അധികൃതരുടെ അടിയന്തര നടപടി. ബൽരാജിനെ ജൂലൈ 11 ശനിയാഴ്ച പൊലീസ് അറസ്റ്റ് ചെയ്തിരുന്നു.

ചൂരൽ പ്രയോഗം ക്ലാസിൽ ശ്രദ്ധിക്കാത്തതിന്

മലപ്പുറം കൽപകഞ്ചേരി കല്ലിങ്ങൽപ്പറമ്പ് എംഎസ്എം ഹയർസെക്കൻഡറി സ്കൂളിലെ കണക്ക് അധ്യാപകനാണ് ബൽരാജ്. അഞ്ചാം ക്ലാസുകാരിയായ കുട്ടിയെയാണ് ഇയാൾ മർദിച്ചതെന്നാണ് ആരോപണം. ജൂലൈ 10 വെള്ളിയാഴ്ചയാണ് അധ്യാപകൻ്റെ അടിയേറ്റ് കുട്ടിയുടെ കൈയുടെ എല്ല് പൊട്ടിയത്. ക്ലാസിൽ ശ്രദ്ധിക്കുന്നില്ല എന്ന് ആരോപിച്ചായിരുന്നു അധ്യാപകൻ്റെ ചൂരൽ പ്രയോഗമെന്നാണ് പൊലീസ് നൽകുന്ന പ്രാഥമിക വിവരം.

ബാലാവകാശ കമ്മീഷനിൽ പരാതി

സംഭവത്തിൽ കുട്ടിയുടെ കുടുംബം ബാലാവകാശ കമ്മീഷനിലും ഔദ്യോഗികമായി പരാതി നൽകിയിട്ടുണ്ട്. കൈക്ക് ഗുരുതരമായി പരിക്കേറ്റിട്ടും സ്കൂളിലെ അധ്യാപകർ കുട്ടിയെ ആശുപത്രിയിൽ എത്തിച്ചില്ലെന്ന് കുട്ടിയുടെ അമ്മ ആരോപിച്ചു. കുട്ടിയെ അധ്യാപകർ ചേർന്ന് വീട്ടിലെത്തിച്ച ശേഷം രക്ഷിതാക്കളാണ് ആശുപത്രിയിലേക്ക് കൊണ്ടുപോയത്. സംഭവത്തിൽ കൂടുതൽ അന്വേഷണം നടക്കുകയാണ്.

പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. 

Article Summary: The management of MSM Higher Secondary School in Kalpakanchery, Malappuram, suspended a mathematics teacher named Balraj for allegedly beating a 5th-grade student and breaking her arm. 

#MalappuramNews #TeacherArrested #ChildRights #KeralaPolice #Kalpakanchery #CrimeNews #AmmuNews