അധ്യാപകൻ്റെ ചൂരൽ പ്രയോഗത്തിൽ അഞ്ചാം ക്ലാസുകാരിയുടെ കൈ ഒടിഞ്ഞു; അധ്യാപകനെതിരെ കേസെടുത്തു

മലപ്പുറം: (KVARTHA) മലപ്പുറം കൽപകഞ്ചേരി കല്ലിങ്ങലിൽ അഞ്ചാം ക്ലാസുകാരിയുടെ കൈ തല്ലിയൊടിച്ചെന്ന പരാതിയിൽ അധ്യാപകനെതിരെ കൽപകഞ്ചേരി പൊലീസ് കേസെടുത്തു. ക്ലാസിൽ ശ്രദ്ധിക്കുന്നില്ലെന്ന് ആരോപിച്ചായിരുന്നു അധ്യാപകൻ്റെ ചൂരൽ പ്രയോഗമെന്നാണ് പൊലീസ് നൽകുന്ന പ്രാഥമിക വിവരം. ജൂലൈ 10 വെള്ളിയാഴ്ചയാണ് അധ്യാപകൻ്റെ അടിയേറ്റ് വിദ്യാർഥിനിയുടെ കൈ എല്ല് പൊട്ടിയത്. എംഎസ്എംഎച്ച്എസ്എസ് കല്ലിങ്ങൽപ്പറമ്പിലെ കണക്ക് അധ്യാപകൻ്റെ പേരിലാണ് കേസ് രജിസ്റ്റർ ചെയ്തിരിക്കുന്നത്.

ബാലാവകാശ കമ്മീഷനിൽ പരാതി

സംഭവത്തിൽ കുട്ടിയുടെ കുടുംബം ബാലാവകാശ കമ്മീഷനിലും പരാതി നൽകിയിട്ടുണ്ട്. കൈക്ക് ഗുരുതരമായി പരിക്കേറ്റിട്ടും സ്കൂളിലെ അധ്യാപകർ കുട്ടിയെ ആശുപത്രിയിൽ എത്തിച്ചില്ലെന്ന് കുട്ടിയുടെ അമ്മ ആരോപിച്ചു. കുട്ടിയെ അധ്യാപകർ ചേർന്ന് വീട്ടിലെത്തിച്ച ശേഷം രക്ഷിതാക്കളാണ് കുട്ടിയെ ആശുപത്രിയിലേക്ക് കൊണ്ടുപോയത്. സംഭവത്തിൽ പൊലീസ് അന്വേഷണം പുരോഗമിക്കുകയാണ്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: The Kalpakanchery police have registered a case against a mathematics teacher of MSMHSS Kallingalparamba in Malappuram for allegedly breaking a fifth-grade student's arm by beating her with a cane.

#MalappuramNews #KeralaPolice #ChildRights #Kalpakanchery #KeralaNews #Education #CrimeNews #AmmuNews