മാടായിപ്പാറയിലെ ഫലസ്തീൻ അനുകൂല പ്രകടനം: 30 ജിഐഒ പ്രവർത്തകർക്കെതിരെ കേസ്
● 30 ജിഐഒ പ്രവർത്തകർക്കെതിരെയാണ് കേസ്.
● ഓണാഘോഷ ദിവസമാണ് സംഭവം നടന്നത്.
● സാമൂഹിക സ്പർദ്ധ വളർത്താൻ ശ്രമിച്ചുവെന്ന് എഫ്ഐആർ.
● പൊതുപരിപാടികളും വാഹനങ്ങളും നിരോധിച്ച സ്ഥലമാണ് മാടായിപ്പാറ.
പഴയങ്ങാടി: (KVARTHA) ജൈവ വൈവിധ്യ സംരക്ഷണ മേഖലയായ മാടായിപ്പാറയിൽ അനുമതിയില്ലാതെ ഫലസ്തീൻ അനുകൂല പ്രകടനവും പൊതുയോഗവും നടത്തിയതിന് 30 ജി.ഐ.ഒ പ്രവർത്തകർക്കെതിരെ പഴയങ്ങാടി പോലീസ് കേസെടുത്തു.
ഓണാഘോഷ ദിവസമായ വെള്ളിയാഴ്ച ഫലസ്തീൻ അനുകൂല ബാനറുകളും പതാകകളുമായി പ്രകടനം നടത്തിയതിനാണ് ജില്ലാ നേതാക്കൾ ഉൾപ്പെടെയുള്ള 30 പേർക്കെതിരെ കേസെടുത്തത്.
സാമൂഹിക സ്പർദ്ധ വളർത്തുക എന്ന ഉദ്ദേശ്യത്തോടെയാണ് പ്രകടനവും പൊതുസമ്മേളനവും നടത്തിയതെന്ന് എഫ്ഐആറിൽ പറയുന്നു. കണ്ടാലറിയാവുന്ന 30 പേർക്കെതിരെയാണ് പോലീസ് കേസെടുത്തിരിക്കുന്നത്.
ജമാഅത്തെ ഇസ്ലാമിയുടെ വനിതാ വിദ്യാർത്ഥി വിഭാഗമാണ് ജി.ഐ.ഒ (ഗേൾസ് ഇസ്ലാമിക് ഓർഗനൈസേഷൻ). പൊതുപരിപാടികളും വാഹനങ്ങളും നിരോധിച്ച സ്ഥലമാണ് മാടായിപ്പാറ. ഇവിടെ വാഹനങ്ങൾ പ്രവേശിപ്പിക്കരുതെന്ന് പഴയങ്ങാടി പോലീസ് മുന്നറിയിപ്പ് ബോർഡ് സ്ഥാപിച്ചിട്ടുണ്ട്.
മാടായിപ്പാറയിലെ ഫലസ്തീൻ അനുകൂല പ്രകടനത്തെക്കുറിച്ച് നിങ്ങളുടെ അഭിപ്രായങ്ങൾ പങ്കുവെക്കുക.
Article Summary: Case filed against GIO activists for pro-Palestine rally.
#Kerala #Madayipara #Palestine #Protest #GIO #Pazhayangadi
