കണ്ണൂർ: (KVARTHA) പയ്യന്നൂർ നഗരത്തിലെ ഒരു ലോഡ്ജിൽ വൻ തോതിൽ മയക്കുമരുന്ന് പിടികൂടിയെന്നും, മൂന്നുപേരെ അറസ്റ്റ് ചെയ്തെന്നും പൊലീസ് അറിയിച്ചു.
മുഹമ്മദ് ഷംനാദ് (35), പി.കെ.ആസിഫ് (29), മുഹമ്മദ് മുഹാദ് മുസ്തഫ (29) എന്നിവരെയാണ് പയ്യന്നൂർ പൊലീസ് പിടികൂടിയത്.

പൊലീസ് പറയുന്നതനുസരിച്ച്, പയ്യന്നൂർ ഡി.വൈ.എസ്.പി കെ.വിനോദ് കുമാറിന് ലഭിച്ച രഹസ്യ വിവരത്തിൻ്റെ അടിസ്ഥാനത്തിൽ പെരുമ്പയിലെ ബുറാഖ്-ഇൻ ലോഡ്ജിൽ പരിശോധന നടത്തിയാണ് യുവാക്കളെ പിടികൂടിയത്. വ്യാഴാഴ്ച രാത്രി 7.45നാണ് പോലീസ് റെയ്ഡ് നടന്നത്. ഒരു മണിക്കൂറോളം നീണ്ട പരിശോധനയിൽ 166.68 ഗ്രാം എം.ഡി.എം.എ പിടിച്ചെടുത്തതായി പോലീസ് പറഞ്ഞു.

ലോഡ്ജിലെ 207-ാം നമ്പർ മുറിയിൽ താമസിച്ചിരുന്ന സംഘം എം.ഡി.എം.എ വിൽപ്പനയ്ക്കായി ചെറിയ പാക്കറ്റുകളാക്കി മാറ്റാനുള്ള ശ്രമത്തിലായിരുന്നുവെന്ന് പോലീസ് സംശയിക്കുന്നു.
പഴയങ്ങാടി ഇന്‍സ്‌പെക്ടര്‍ എന്‍.കെ.സത്യനാഥന്‍, പയ്യന്നൂര്‍ എസ്.ഐ. സി.സനീത്, ഗ്രേഡ് എസ്.ഐ കെ.ദിലീപ്, പ്രൊബേഷണറി എസ്.ഐമാരായ മഹേഷ്, നിഥിന്‍, സീനിയര്‍ സി.പി.ഒ അബ്ദുല്‍ അബ്ദുല്‍ ജബ്ബാര്‍, സി.പി.ഒ ഡ്രൈവര്‍ സുമേഷ് എന്നിവരാണ് മയക്കുമരുന്ന് പിടികൂടിയ പോലീസ് സംഘത്തിലുണ്ടായിരുന്നത്.

കർണാടകയിൽ നിന്നും വൻതോതിൽ മയക്കുമരുന്ന് കൊണ്ടുവന്ന് ചില്ലറയായി കണ്ണൂർ, കാസർകോട്, കോഴിക്കോട് ജില്ലകളിൽ വിൽപ്പന നടത്തിവരുന്ന സംഘത്തിലെ കണ്ണികളാണ് പിടിയിലായവരെന്ന് പോലീസ് പറയുന്നു. യുവാക്കളെയും വിദ്യാർത്ഥികളെയും കേന്ദ്രീകരിച്ചായിരുന്നു ഇവരുടെ വിൽപ്പനയെന്നും പോലീസ് കൂട്ടിച്ചേർത്തു. പ്രതികളെ കോടതിയിൽ ഹാജരാക്കി റിമാൻഡ് ചെയ്തതായും പോലീസ് അറിയിച്ചു.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക.  

Police in Payyannur seized a large quantity of MDMA from a lodge and arrested three individuals: Muhammed Shamnad (35), P.K. Asif (29), and Muhammed Muhad Mustafa (29). The raid, based on গোপন தகவல், yielded 166.68 grams of MDMA. The arrested are suspected to be part of a drug trafficking network operating in Kannur, Kasaragod, and Kozhikode.

#MDMASeizure #Payyannur #DrugArrest #KeralaPolice #Narcotics #DrugTrafficking