കുംഭമേളയിൽ ശ്രദ്ധേയയായ പെൺകുട്ടി വീണ്ടും സംരക്ഷണം തേടി പൊലീസ് സ്റ്റേഷനിൽ; പാസ്‌പോർട്ടും പണവും അപഹരിച്ചെന്ന് പരാതി

കൊച്ചി: (KVARTHA) പൊലീസ് സംരക്ഷണം ആവശ്യപ്പെട്ട് കുംഭമേളയിൽ ശ്രദ്ധേയയായ പെൺകുട്ടി എറണാകുളം സെൻട്രൽ പൊലീസ് സ്റ്റേഷനിൽ എത്തി. പെൺകുട്ടിയെയും ഭർത്താവിനെയും കണ്ടെത്താൻ കഴിയുന്നില്ലെന്ന് കാണിച്ച് സെൻട്രൽ പൊലീസ് ഇവർക്ക് നേരത്തെ ഏർപ്പെടുത്തിയിരുന്ന സുരക്ഷ പിൻവലിച്ചിരുന്നു. ഇതിന് പിന്നാലെയാണ് സുരക്ഷ തേടി പെൺകുട്ടി വീണ്ടും പൊലീസിനെ സമീപിച്ചത്.

പാസ്‌പോർട്ടും പണവും അപഹരിച്ചെന്ന് പരാതി

തൻ്റെ പാസ്‌പോർട്ടും പണവും പിതാവും സംഘവും ചേർന്ന് അപഹരിച്ചെന്ന് പെൺകുട്ടി പൊലീസിനെ അറിയിച്ചു. പെൺകുട്ടിയും ഭർത്താവും നൽകിയ മേൽവിലാസത്തിലോ നമ്പറിലോ ബന്ധപ്പെടാൻ കഴിയുന്നില്ലെന്നും ഇത് പെൺകുട്ടിയുടെ പതിവ് രീതിയാണെന്നുമായിരുന്നു സർക്കാർ കോടതിയെ അറിയിച്ചിരുന്നത്. 

പിന്നാലെ പെൺകുട്ടി സംരക്ഷണം ആവശ്യപ്പെട്ടാൽ മാത്രം നൽകിയാൽ മതിയെന്ന് പൊലീസിനോട് കോടതി നിർദേശിക്കുകയായിരുന്നു. തൻ്റെ ജീവന് സുരക്ഷ നൽകണമെന്ന് ആവശ്യപ്പെട്ട് പെൺകുട്ടി നൽകിയ ഹർജിയിലായിരുന്നു മതിയായ സുരക്ഷ നൽകാൻ എറണാകുളം സെൻട്രൽ പൊലീസിന് കോടതി നേരത്തെ നിർദേശം നൽകിയിരുന്നത്.

മധ്യപ്രദേശ് പൊലീസിൻ്റെ കേസുകൾ

മധ്യപ്രദേശ് പൊലീസിൽ പെൺകുട്ടിയുടെ പിതാവ് നൽകിയ പരാതിയിൽ അവരുടെ ഭർത്താവ് മുഹമ്മദ് ഫർമാൻ പ്രതിയാണ്. പെൺകുട്ടിയെ ഫർമാൻ തട്ടിക്കൊണ്ടുപോയി എന്ന പരാതിയിലാണ് അവിടെ കേസെടുത്തിരിക്കുന്നത്. പെൺകുട്ടിക്ക് പ്രായപൂർത്തിയായിട്ടില്ലെന്നാണ് കുടുംബം അവകാശപ്പെടുന്നത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ അപ്ഡേറ്റുകൾ അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് താഴെ കമന്റായി രേഖപ്പെടുത്തുക.

Article Summary: A girl famous from Kumbh Mela seeks police protection in Kochi.

#KumbhMelaGirl #PoliceProtection #KochiNews #ErnakulamCentralPolice #KeralaPolice #SocialMediaViral #LegalIssues #AmmuNews