കോഴിക്കോട്: (KVARTHA) വിദ്യാർത്ഥിനിയെ പ്രലോഭിപ്പിച്ച് ഭീഷണിപ്പെടുത്തി നഗ്നചിത്രങ്ങൾ ഇൻസ്റ്റാഗ്രാം വഴി അയപ്പിച്ച യുവാവ് അറസ്റ്റിൽ. ചെറുകാവ് ഗ്രാമ പഞ്ചായത്ത് പരിധിയിലെ അശ്വിൻ അരവിന്ദാക്ഷനെയാണ് (26) മാവൂർ പൊലീസ് പോക്സോ നിയമപ്രകാരം അറസ്റ്റ് ചെയ്തത്.

ഇൻസ്റ്റാഗ്രാമിലൂടെ പരിചയപ്പെട്ട ശേഷമാണ് ഇയാൾ വിദ്യാർത്ഥിനിയുടെ നഗ്നചിത്രങ്ങൾ ഫോണിലേക്ക് അയപ്പിച്ചത്. തുടർന്ന്, മാവൂർ പൊലീസ് കേസ് രജിസ്റ്റർ ചെയ്ത് നടത്തിയ അന്വേഷണത്തിലാണ് പ്രതിയെ പിടികൂടിയത്.

മാവൂർ പൊലീസ് സ്റ്റേഷൻ എസ്ഐമാരായ വി.എം.രമേഷ്, എൻ.കെ.രമേഷ്, എസ്പിഒ റിജീഷ് ആവിലോറ, ഹോംഗാർഡ് ഗോപാലകൃഷ്ണൻ, മെഡിക്കൽ കോളേജ് അസിസ്റ്റന്റ് കമ്മിഷണറുടെ സ്ക്വാഡ് അംഗങ്ങളായ ദീപക്, വിഷ് ലാൽ എന്നിവരടങ്ങുന്ന അന്വേഷണസംഘം ഇരിങ്ങാടൻപള്ളിയിൽ നിന്നാണ് പ്രതിയെ കസ്റ്റഡിയിലെടുത്തത്. അറസ്റ്റ് രേഖപ്പെടുത്തിയ ശേഷം പ്രതിയെ കോടതിയിൽ ഹാജരാക്കി.
 

സൈബർ കുറ്റകൃത്യങ്ങൾ വർധിക്കുന്നതിനെക്കുറിച്ച് നിങ്ങളുടെ അഭിപ്രായം എന്താണ്? കമന്റ് ചെയ്യുക.

Article Summary: A youth was arrested for luring a student for nude photos.

#Kozhikode #POCSO #CyberCrime #Arrest #Instagram #KeralaPolice