Ganja Seized | കോതമംഗലത്ത് സ്‌കൂളിന്റെ സെക്യൂരിറ്റി ഓഫീസില്‍ നിന്ന് കഞ്ചാവ് പിടികൂടി; 5 പേര്‍ പിടിയില്‍, സുരക്ഷാ ജീവനക്കാരന്‍ ഓടി രക്ഷപ്പെട്ടു
ADVERTISEMENT
എറണാകുളം: (www.kvartha.com) കോതമംഗലത്ത് നെല്ലിക്കുഴിയിലെ സ്‌കൂളിന്റെ സെക്യൂരിറ്റി ഓഫീസില്‍ നിന്ന് കഞ്ചാവ് പിടികൂടി. പരിശോധനയ്ക്കിടെ സുരക്ഷാ ജീവനക്കാരന്‍ ഓടി രക്ഷപ്പെട്ടു. ഇയാളില്‍ നിന്ന് കഞ്ചാവ് വാങ്ങാനെത്തിയവര്‍ എന്ന് സംശയിക്കുന്ന അഞ്ചുപേര്‍ പിടിയിലായിട്ടുണ്ടെന്നും ഉദ്യോഗസ്ഥര്‍ പറഞ്ഞു.
ശെഫീഖ്, അശാന്ത്, ആശിഖ്, മുനീര്‍, കുന്നുകുഴി സ്വദേശി ഹരികൃഷ്ണന്‍ എന്നിവരെയാണ് കസ്റ്റഡിയിലെടുത്തത്. രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് എക്‌സൈസ് അധികൃതര്‍ കഞ്ചാവ് പിടികൂടിയത്.
സ്‌കൂളിലെ സുരക്ഷാ ജീവനക്കാരനൊപ്പം കഞ്ചാവ് വില്‍പനയില്‍ പങ്കാളിയായിരുന്ന യാസിന്‍ എന്നയാളും ഓടി രക്ഷപ്പെട്ടിട്ടുണ്ട്. ഇവര്‍ക്കായി തെരച്ചില്‍ ആരംഭിച്ചിട്ടുണ്ട്. സമീപത്ത് തന്നെയുണ്ടായിരുന്ന യാസിന്റെ ബൈകിനകത്ത് നിന്നും കഞ്ചാവ് പൊതികള്‍ പിടികൂടിയെന്നും എക്‌സൈസ് അധികൃതര്‍ വ്യക്തമാക്കി.
Keywords: Ernakulam, News, Kerala, Arrest, Arrested, Seized, school, Crime, Office, Kothamangalam: Ganja seized from Security office of school.
