മിഠായി മോഷ്ടിച്ചെന്നാരോപിച്ച് എട്ടാം ക്ലാസുകാരനെ മർദിച്ചതായി പരാതി; കടയുടമ പൊലീസ് കസ്റ്റഡിയിൽ

അഞ്ചൽ: (KVARTHA) മിഠായി മോഷ്ടിച്ചെന്നാരോപിച്ച് കടയുടമ എട്ടാം ക്ലാസ് വിദ്യാർഥിയെ മർദിച്ചതായി പരാതി. കൊല്ലം ഏരൂർ ജിഎച്ച്എസ്എസിന് എതിർവശത്തുള്ള കടയിൽ വെള്ളിയാഴ്ച (സെപ്റ്റംബർ 11)  വൈകിട്ടായിരുന്നു സംഭവം. സംഭവത്തിൽ കടയുടമയായ സന്തോഷിനെ (45) ഏരൂർ പൊലീസ് കസ്റ്റഡിയിലെടുത്തു. കടയിൽ കൂട്ടുകാർക്കൊപ്പം മിഠായി വാങ്ങാനെത്തിയതായിരുന്നു വിദ്യാർഥി. ഇതിനിടെ കുട്ടികളിലാരോ കടയിൽനിന്ന് മിഠായി ഭരണി എടുത്ത് മറ്റൊരു കുട്ടിയുടെ ബാഗിൽ വയ്ക്കുകയായിരുന്നു.

പൊലീസിൽ വിവരമറിയിച്ചു

ഈ കൃത്യം ചെയ്തത് പരാതിക്കാരനായ വിദ്യാർഥിയാണെന്നാരോപിച്ചാണ് കടയുടമ കുട്ടിയുടെ കരണത്തടിക്കുകയും കടയിൽനിന്ന് പുറത്തേക്ക് പിടിച്ചുതള്ളുകയും ചെയ്തതെന്നാണ് പരാതി. സംഭവത്തെ തുടർന്ന് സ്‌കൂളിന് മുന്നിൽ ഗതാഗത നിയന്ത്രണത്തിലുണ്ടായിരുന്ന ഹോം ഗാർഡിനോട് കുട്ടി വിവരം ധരിപ്പിച്ചു. 

വിവരമറിഞ്ഞ് ഉടൻ തന്നെ സ്റ്റേഷനിൽനിന്ന് ഏരൂർ പൊലീസ് സ്ഥലത്തെത്തുകയും കടയുടമയെ കസ്റ്റഡിയിലെടുക്കുകയുമായിരുന്നു. കുട്ടിയുടെ പരാതിയുടെ അടിസ്ഥാനത്തിൽ സ്കൂ‌ൾ പ്രധാനാധ്യാപകൻ പി ഹാഷിം പൊലീസിൽ ഔദ്യോഗികമായി പരാതി നൽകിയിട്ടുണ്ട്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: Shop owner detained for hitting an 8th-grade student over candy theft.

#Kvartha #Yeroor #KollamNews #ChildAbuse #KeralaPolice #MalayalamNews #AnchalNews #YeroorGHSS #CrimeNews #AmmuNews