മുന്നറിയിപ്പില്ലാതെയുള്ള പവർക്കട്ട് വിനയായി; അച്ചാർ മിക്സിങ് മെഷീനിൽ കൈ കുടുങ്ങി യുവതിക്ക് ഗുരുതര പരിക്ക്, രക്ഷകരായി അഗ്നിരക്ഷാസേന

കൊല്ലം: (KVARTHA) മുന്നറിയിപ്പില്ലാതെയുള്ള പവർക്കട്ടിനിടെ അച്ചാർ മിക്സിങ് മെഷീനിൽ കൈകുടുങ്ങി യുവതിക്ക് ഗുരുതര പരിക്ക്. കിളികൊല്ലൂർ കെഎസ് ഇൻഡസ്ട്രീസിലെ ജീവനക്കാരി മിനി (42) യ്ക്കാണ് അപകടത്തിൽ പരിക്കേറ്റത്. കൈമുട്ടിന് താഴെ കൈപ്പത്തിക്ക് മുകളിലായി ഒടിഞ്ഞ നിലയിൽ യുവതിയെ ആശുപത്രിയിൽ പ്രവേശിപ്പിച്ചു. തുടർന്ന് ഓർത്തോ, പ്ലാസ്റ്റിക് സർജറി വിഭാഗം ഡോക്ടർമാർ അടിയന്തര ശസ്ത്രക്രിയ നടത്തി. 

അപകടകാരണം പവർക്കട്ട്

മസാലപ്പൊടിയും അച്ചാറും നിർമിക്കുന്ന സ്ഥാപനത്തിൽ ശനിയാഴ്ച (സെപ്റ്റംബർ 12) വൈകിട്ട് നാല് മണിയോടെയായിരുന്നു അപകടം. തുടർച്ചയായി പവർക്കട്ടുള്ളതിനാൽ വൈദ്യുതി നിലച്ചതോടെ ഉടൻ വരില്ലെന്ന ധാരണയിൽ യുവതി സ്വിച്ച് ഓഫാക്കാതെ മെഷീൻ വൃത്തിയാക്കാൻ ശ്രമിക്കുകയായിരുന്നു. 

ഇതിനിടെ അപ്രതീക്ഷിതമായി വൈദ്യുതി വന്നു. ഇതോടെ മെഷീൻ്റെ ടാങ്കിനകത്ത് സാധനങ്ങൾ ഇളക്കി യോജിപ്പിക്കുന്ന ബ്ലേഡിൽ യുവതിയുടെ കൈ കുടുങ്ങുകയായിരുന്നു. മെഷീൻ കറങ്ങിയതോടെ കൈപ്പത്തിയുടെ ഭാഗം ഒടിഞ്ഞ് മെഷീനിൽ കുടുങ്ങി.

രക്ഷകരായി അഗ്നിരക്ഷാസേന

വിവരമറിഞ്ഞയുടൻ കടപ്പാക്കടയിൽ നിന്ന് അഗ്നിരക്ഷാസേന സ്ഥലത്തെത്തി. കട്ടർ ഉപയോഗിച്ച് മെഷീൻ്റെ ബ്ലേഡ് മുറിച്ചുമാറ്റിയാണ് ഇവർ യുവതിയുടെ കൈ സുരക്ഷിതമായി പുറത്തെടുത്തത്. തുടർന്ന് ഉടൻ തന്നെ ആശുപത്രിയിൽ പ്രവേശിപ്പിക്കുകയായിരുന്നു.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം.

Article Summary: A woman sustained severe injuries after her hand got caught in a pickle mixing machine in Kollam.

#Kvartha #KollamNews #Kilikolloor #IndustrialAccident #FireForceKerala #MalayalamNews #KeralaNews #NSHospital #PowerCutAccident #AmmuNews