കൊല്ലം: (KVARTHA) കഴിഞ്ഞ ദിവസം കൊല്ലത്ത് നിന്ന് എംഡിഎംഎയുമായി കസ്റ്റഡിയിലെടുത്ത യുവതിക്ക് അന്തർ സംസ്ഥാന ലഹരി മാഫിയയുമായി ബന്ധമുണ്ടെന്ന് പോലീസ്. കണ്ണൂരിൽ പിടിയിലായ ലഹരി കടത്തുകാരൻ അനിലയെ ഫോണിൽ ബന്ധപ്പെട്ടതിന്റെ സൂചനകൾ ലഭിച്ചിട്ടുണ്ടെന്നാണ് പോലീസ് നൽകുന്ന വിവരം. അനില ഇതിനു മുൻപും പല തവണ കൊല്ലത്തേക്ക് ലഹരി എത്തിച്ചിട്ടുണ്ടെന്നും പോലീസ് സംശയിക്കുന്നു.

കൊല്ലം ജില്ലയിലെ വലിയ ലഹരി ഇടപാടുകാരുമായി കസ്റ്റഡിയിലായ അനില രവീന്ദ്രന് ബന്ധമുണ്ടെന്നും പോലീസ് അന്വേഷണ സംഘം സൂചിപ്പിക്കുന്നു. അനിലയെ കസ്റ്റഡിയിൽ വാങ്ങി കൂടുതൽ ചോദ്യം ചെയ്യാനുള്ള നീക്കത്തിലാണ് പോലീസ്. കഴിഞ്ഞ ദിവസമാണ് 46 ഗ്രാം എംഡിഎംഎയുമായി അനിലയെ പോലീസ് കസ്റ്റഡിയിലെടുത്തത്. ലഹരി വസ്തുക്കൾ പാക്കറ്റുകളിലാക്കി ഒളിപ്പിച്ച നിലയിലായിരുന്നുവെന്നാണ് പോലീസ് പറയുന്നത്.

യുവതിയുടെ ശരീരത്തിൽ, പ്രത്യേകിച്ച് ജനനേന്ദ്രിയത്തിലും ലഹരി ഒളിപ്പിച്ചിരുന്നു എന്നാണ് അന്വേഷണ സംഘം പറയുന്നത് . 2021-ൽ എംഡിഎംഎ കടത്തിയ കേസിൽ തൃക്കാക്കരയിൽ ഇവർ അറസ്റ്റിലായിട്ടുണ്ടെന്നും പോലീസ് അറിയിച്ചു. ഈ കേസിൽ കൂടുതൽ അന്വേഷണം നടന്നുവരികയാണെന്നും പോലീസ് വ്യക്തമാക്കി.

ഈ വാർത്ത പങ്കുവെക്കുകയും അഭിപ്രായങ്ങൾ രേഖപ്പെടുത്തുകയും ചെയ്യുക. 

Police suspect that the woman taken into custody in Kollam with MDMA has links to an interstate drug mafia, citing indications of phone contact with a drug peddler arrested in Kannur. They also suspect she may have trafficked drugs to Kollam previously and might have connections with large-scale drug dealers in the district. Police are planning further questioning after taking her into custody.

#KollamDrugCase, #DrugSmugglingSuspect, #InterstateDrugLinks, #KeralaPoliceInvestigation, #MDMASeizure, #CrimeNewsKerala